Popular Bible Verses from یعقوب 3

Share

ولی هون حِکمتی گه آسِمونی جائِه، اَوَّل پاکِ، اَزما صِلح‌آمیز و آروم و نَصیحت‌ِ اِشنُنِه، و خِبِ ثَمرات و رَحمتی جا پِرِ، و فَرق بِشتَن و ریایی جا دورِ!

شِمِه میِن کی حکیم و عَقلدارِ؟ بِلین اونِه شی دِرِس زندگی هاکِردَنی هَمرا هَم هادِه، هون اعمالی گه فروتنی ای هَمرائِه و حِکمَتی جا سَرچِشمِه گیرنِه.

صالحی، مَحصولیِه گه صِلح و صفایی دِلِه، و اونانیگه صِلحی دِمال دَرنِه ای دَسی هَمرا دَکاشت وونِه.

چون هر جا حَسودی و خِدخواهی دَوو، اوجِه بی نظمی و هَمه جور زِشتِ کِردار هَم دَرِه.

شی زِوونی هَمرا خِداوَند و پیرِ مِوارَک خُومّی و هَمون زِوونی هَمرا آدَمایی گه خِدایی تَرا خَلق بَوِنِه رِه، لَعنت کِمّی. یَتِه دِهِنی جا، هَم برکت دیرگا اِنِه، هَم لَعنت! می بِرارِن، خِب نیِه هَینجور ووئِه.

زِوون هَم تَشِ؛ یَه دِنیا نادِرسی گه اَمِه تَن و پِی ای دِلِه دَرِه و آدَمی ای دِشتِ تَنِ کثیف کِنِّه و دِشتِ وی زِندگی رِه تَش کَشِنِه، تَشی گه جَهِنِم اونِه روشِن هاکِردِه!

ولی هیچ آدَمی نَتِنِّه زِوونِ رام هاکِنِه. زِوون شَرورِ یاغیِه و کِشَندِه زَهری جا پِرِ!

می بِرارِن، نَکِنِه شِمِه جا خِیلیا خِدایی کَلامی مَلِّم بَووئَنی دِمال دَوون، چون دِنِّنی اَما مَلِّمِنی سِه، داوَری سخت تَر وونِه.