Popular Bible Verses from یعقوب 1

Share

می بِرارِن، هر وَخت جورواجورِ آزمودهایی دِلِه دَکِتِنی، اونانِه کُلاََ خِشالی دِنّین! چون دِنِّنی گه وختی شِمِه ایمون آزمود بَوو، استقامت به بار اُرنِه.

اگه کَسی شِمِه میِن حِکمت نارنِه، اونِه خِدایی جا بَخواد، هَمون خِدایی گه بدون سَراکو و دَس و دِلبازی ای هَمرا هَمِرِه بَخشِنِه، و وِرِه دِنِه.

می عَزیزِ بِرارِن، هَینِه دِنّین: هر‌ کی وِنِه بِشنُسَنی دِلِه تِن، بُتَنی دِلِه یَواش و عَصبانی بَووئَنی دِلِه یَواش ووئِه!

ولی بِلین استقامت شی کارِ تُوم هاکِنِه تا بی عیب و کامل بَووئین و هیچی کَم نارین.

ولی خِدایی کَلامِ بِجا بیارین، نا فقط اونِه بِشنُئین؛ شِرِه گول نَزِنین!

خِش بِحالِ اونیگه آزمودی باری بِن استقامتی هَمرا اِسِّنِه، چون وختی آزمودی دِلِه اِستقامتی هَمرا هِرسِه، وی، زندگی ای تاجِ گیرنِه، هون تاجی گه خِدا شی دوسدارِنِه وَعدِه هادا.

هر خِبِ هَدیِه و هر کامِلِ هَدیِه آسِمونی جائِه، نوریشونی پیری طرفی جا اِنِه گه وی دِلِه هیچ تغییری دَنیِه، و نا هیچ سایه ای گه تغییری جا به وجود بیمو وو.

چون اگه کسی خِدایی کَلامِ بِشنُئِه ولی اونِه بِجا نیارِه، هِتی یَنَفَرِ مونِّه گه شی دیمِ آینِه ای دِلِه اِشِنِه. چون شِرِه اونی دِلِه وینِّه، تا اونی جا دور وونِه، دَرجا شی یادی جا وَرنِه گه وی دیم چِتی وِه.

پاک و بی‌لَکِّه دینداری اَمِه پیر خِدایی نَظر هَینِه گه یَتیمِن و بیوه‌زناکِنِنی دَسِ مِصیبتی موقِه بَیریم، و شِرِه هَین فاسِدِ دِنیایی جا دور داریم.

هیچکس وختی وَسوَسِه وونِه، نُئِه: «خِدائِه گه مِنِه وَسوَسِه کِنِّه،» چون خِدا هیچ بَدی ای هَمرا وَسوَسِه نَوونِه و هیچکی رِه هَم وَسوَسِه نَکِنِّه. ولی وختی یَنَفَر وَسوَسِه وونِه، شِه وی هَوا و هَوَسِ گه وِرِه گول زَنِّه و تَلِه دیم دِنِه.

فَقیرِ بِرار شی سَربِلَندی ای گه دارنِه رِه اِفتخار هاکِنِه،