Popular Bible Verses from نامِه مَسیحینی عبرانی نِژادی سِه 11

Share

اِسا ایمون، هون چیایی سَر اطمینان هاکِردنِ گه اونانِه اِمید دارمی و هون چیایی جا خاطر جَم ووئنِ گه چِشی هَمرا نِشِنِه بَئین. چون ایمونی خاطری وِه گه قَدیمی مَردِنی خَوَری خِبی ای هَمرا تعریف و تمجید هاکِردِنِه.

و بدونِ ایمون نِشِنِه خِدارِه راضی هاکِردَن، چون هر کی خِدارِه نَزیک وونِه، وِنِه ایمون دارِه گه وی دَرِه، و اونانیگه وی دِمال گِردِنِنِه، پاداش گیرِنِه.

اَما ایمونی هَمرا فَهمِمی گه جهان خِدایی کلامی هَمرا خلق بَوِه، جوریگه هون چیا گه بَئی وونِه، هون چیا گه بَئی نَوونِه ای جا به وجود بیمو.

ایمونی هَمرا وِه گه ابراهیم هون موقِه گه بَخونِس بَوِه، اِطاعَت هاکِردِه و راهی بَوِه، هون جایی بوردِه گه اَزما وی اِرث وونِسِه؛ و بدونِ هَینگه دِنِّه کِجِه شونِه راهی بَوِه. ایمونی هَمرا وِه گه وی بوردِه تا وعده ای سرزمینی دِلِه زندگی هاکِنِه، و هِتی یَتِه غَریبِه ای تَرا، اِسحاق و یعقوبی هَمرا، گه وی هَمرا هَین وعده ای دِلِه هَم اِرث وِنِه، کیمِه هایی دِلِه زندگی هاکِردِه

ایمونی هَمرا وِه گه نوح، اون موقِه گه هون چیایی خَوَری گه حلا هیچکس نَئی وِه، خِدایی طرفی جا هِشدار بَیتِه، خِداترسی ای هَمرا شی خِنِواده ای نِجاتی سِه یَتِه کَشتی بَساتِه. و هینجوری دِنیارِه مَحکوم هاکِردِه و هون صالِحی ای وارِث بَوِه گه ایمونی راهی جا بِدَس اِنِه.

ایمونی هَمرا وِه گه خَنوخ لُو بَوِرد بَوِه تا مرگِ نَوینِه، و وی بَنگیت نَوِه چون خِدا وِرِه بَوِردِه، چون پِش از اونگه لُو بَوِرد بَوو، وی خَوَری گِواهی هادا بَوِه گه خِدا ویجا راضیِه.

ایمونی هَمرا وِه گه هابیل قِروونی ای پیشکش هاکِردِه گه قائنی قروونی ای جا ویشتَر قَبول بَوِه، گه هَینِسه، وی خَوَری گِواهی هادا بَوِه گه وی صالِحِ. خِدا وی هدیه هایی قَبول هاکِردنی هَمرا، خِبی ای هَمرا وی خَوَری شهادت هادا. و هر چَن وی بَمِردِه، ایمونی خاطری حَلا گَب زَنِّه.

ایمونی هَمرا وِه گه سارا قِوّت بَیتِه گه حامِلِه بَوو با هَینگه سِنی ویجا بِگذشت وِه، چون وی دِنِسِّه، اونیگه وعده هادا وفادارِ.

چون هون شَهری چِش بِرا وِه گه پِی ها دارنِه، گه وی مِعمار و بَنّا خِدائه.

ایمونی هَمرا وِه گه وختی موسی گَت بَوِه، نَخوایسِه گه فرعونی کیجایی ریکا بَخونِس بَوو. وی حاضر بَوِه گه خِدایی قومی هَمرا ذلیل بَوو، تا هَینگه یَه مِدّت گِناهی خِشیایی جا کیف هاکِنِه. و هون سرکوفت گه مَسیحی خاطری وِه رِه، یَتِه گَنج، مِصری گَنجایی جا گَتتَر بِشمارِسِه، چون وی هون پاداشی دِمال دَوِه. ایمونی هَمرا وِه گه موسی مِصری جا دیرگا بیمو، و پادشاهی غیظی جا نَتِرسیِه، وی طاقت بیاردِه چون اونیگه نِشنِه بَئیَنِ، وینِسِه.

ایمونی هَمرا وِه گه ابراهیم هون موقِه گه آزمود بَوِه، اسحاقِ پیشکَش هاکِردِه؛ و ویگه وعده‌هارِه بَئیت وِه قَبول هاکِردِه گه شی یَتّا ریکارِه قِروونی هاکِنِه،

ایمونی هَمرا وِه گه فاحشه راحاب، اونانی هَمرا گه نافرمان وِنِه بَکوشت نَوِه، چون وی جاسوسِنِ گرمی ای هَمرا قَبول هاکِردِه.

ایمونی هَمرا وِه گه اسرائیلی قوم سِرخِ دریایی میِن هِتی یَتِه خِشکِ زَمینی تَرا رَد بَوِنِه؛ ولی وختی مِصریِن تقلّا هاکِردِنِه گه هَمین کارِ هاکِنِن، اُوئی دِلِه غَرق بَوِنِه.

ایمونی هَمرا وِه گه اَریحایی شهری دیفارا بعد از هَینگِه اسرائیلی قوم هَف روز وی دُور بَگِرِسِنِه، لی بَخاردِه.

ایمونی هَمرا وِه گه موسی پِسَخ و خونی بَپاشیَنِ بِجا بیاردِه تا هون فِرشته گه اوَّلین وچیلِه رِه هلاک کِردِه، اِسرائیلی اوّلین وَچیلِه ای سَر دَس نِلِه.

ایمونی هَمرا وِه گه یوسِف هون موقِه گه دِ مِردِه، بنی اسرائیلی بوردنی جا، مِصری جا خَوَر هادا و شی هَسکاهایی خَوَری وَصیت هاکِردِه.

ایمونی هَمرا وِه گه یعقوب هون موقِه گه دِ مِردِه، یوسفی هر کِدیم از ریکا ریکارِه برکت هادا. و هَمونجور گه شی عصارِه تِکیِه هادا وِه، سِجدِه هاکِردِه و پَرَسِش هاکِردِه.

ایمونی هَمرا وِه گه اِسحاق، یعقوب و عیسو رِه آینده ای چیایی جا بَرکَت هادا.