Popular Bible Verses from دوم تیموتائوس 1

Share

چون خِدا، ترسی روحِ اَمارِه نَدا بَلگی قِوَّت و مِحبت و نَفسی دَمِ بَیتنی روحِ هادا.

خِدایی گه اَمارِه نِجات هادا و اَمارِه مِقَدّسِ زندگی ای سِه بَخونِسِه، هَینِه نا اَمِه کارایی خاطری، بَلگی شی هدف و فیضی سِه، گه مَسیحْ عیسایی دِلِه از اَزل اَمارِه هادا،

هَینِسه، تی یاد اُرمِه گه خِدایی هون عَطیِه گه می دَس گِذاری ای خاطری، تی دِلِه بیمو رِه، وی تَشی الوکِ زیاد هاکِنی

پَس، هینِسِه گه اَمِه خِداوندی سِه شهادت هادی یا مِن گه وی خاطری زیندونی دِلِه دَکِتِمِه، عار نار، بَلگی تو هَم خِدایی قِوَّتی هَمرا اِنجیلی خاطری عذاب بَکِشینی دِلِه شریک واش.

هینِسِئه گه هینجور عذاب کَشِمِه، ولی عار نارمِه، چون دِمِّه کِرِه ایمون بیاردِمِه، و قانع بَوِمِه گه وی بتِنِّه اونچی گه مِنِه بِسپارس بَوِه رِه تا هون روز مِحافظت هاکِنِه.