Popular Bible Verses from دِوّمین نامِه قُرِنتیانی سِه 9

Share

و خِدا بَتِنِّه هر نعمتی رِه شِمِسِه خِیلی ویشتَر هاکِنِه تا هَمه چی ای دِلِه هَمِش شی احتیاجی اَنّا دارین، و هر خِبِ کاری دِلِه فِراوونی ای هَمرا دارین.

هر کی وِنِه هَمون اَنّا گه شی دِلی دِلِه نیَّت هاکِردِه، هادِه، نا بی میلی و زوری هَمرا، چون خِدا اونیگه خِشالی ای هَمرا هدیه دِنِه رِه دوس دارنِه.

می گَب هَینِه: هر کی کم دَکارِه، کم هَم دِرُو کِنِّه، و هر کی زیاد دَکارِه، زیاد هَم دِرُو کِنِّه.

اونیگه تیمِ کشاورزی سِه و نونِ بَخاردنی سِه دِنِه، شِمِه تیمِ کِشت و کاری سه آمادِه هاکردِه، برکت دِنِه و شِمِه صالحی ای محصولِ زیاد کِنِّه. شِما از هر نظر دولتمند وونِنی تا هر لحاظی جا دس و دلباز بَووئین، و شِمِه هَین دَس و دِلبازی اَمِه طریقی جا خِدایی شِکر هاکِردنی سِه خَتم وونِه.

خِداوندِ هون هدیه ای خاطری گه قابلِ بُتَن نیِه شِکر کِمِّه!