Popular Bible Verses from دِوّمین نامِه قُرِنتیانی سِه 6

Share

بی ایمونِنی جِدی بِن نَشوئین، چون صالِحی و شِرارَت چی ربطی به هَم دارِنِه، و نور و تاریکی چی رِفاقتی؟

خِدایی معبد، بِتیشونی هَمرا چی سازشی دارنِه؟ چون اَما زینِّه خِدایی مَعبَدِمی. هَمونجور گه خِدا تورات و پِیغمبرنی کیتابی دِلِه گِنِه: «مِن وِشونی میِن مِنزِل کِمِّه و وِشونی میِن راه شومِه و مِن وِشونی خِدا وومِه و وِشون می قوم وونِنِه.»

پَس، خِداوند گِنِه: «وِشونی میِنی جا دیرگا بیئین و سیوا بَووئین. هیچ نَجِسِ چی ای رِه دَس نَکِنین همون موقِه شِمارِ قبول کِمِّه.» «و مِن شِمِه پیر وومِه و شِما می ریک ریکا و کیج کیجا وونِنی، خِداوندِ قادرِ مِطلق هَینِه گِنِه.»

مَسیح و بِلیعال یَعنی شیطان چی سازشی دارِنِه، و مؤمن و کافِر چی شِباهتی دارِنِه؟