Popular Bible Verses from دِوّمین نامِه قُرِنتیانی سِه 1

Share

مِوارک ووئه خِدا، اَمِه خِداوندی پیر، عیسی مَسیح، گه رَحمتایی پیر و دِشتِه تَسلّی ای خِدائِه؛ هون خِدا گه اَمارِه دِشتِه اَمِه مِصیبتایی دِلِه تسلّی دِنِه، تا اَما هَم بَتِنّیم اونایی گه مِصیبتی دِلِه دَرِنِه رِه هون تَسلّی ای گه ویجا بَیتِمی ای هَمرا، تسلّی هادیم.

چون هَمونجور گه فَت و فِراوون مسیحی رَنجهایی جا سهم وَرمی، هَمونجور هَم مسیحی طریق فَت و فِراوون تَسلی ای جا سَهم وَرمی.

راساسی گِمون کِردِمی اَمارِه مرگی سِه محکوم هاکِردِنِه. ولی دِشتِه هَینِن هَینِسه اِتِّفاق دَکِتِه تا نا شِرِه، بَلگی خِدارِه تَوکِّل هاکِنیم، اونیگه مِردِگونِ زینِّه کِنِّه.

ولی خِدائه گه اَمارِه شِمِه هَمرا مسیحی دِلِه بَرقرار کِنِّه. و وی اَمارِه مَسح هاکِردِه، وی شی مِهرِ اَمِه سَر بَزو و شی روحِ هِتی بِیانِه ای تَرا اَمِه دِلی دِلِه بِشتِه.

اگه اَما مِصیبتی دِلِه دَرمی، شِمِه تَسلّی و نِجاتی خاطریِه؛ و اگه تسلّی دارمی، اَی شِمِه تسلّی ای سِئِه، و هین هون موقِه بکار اِنِه گه شِما هون عذابایی گه اَما کَشِمی رِه صبر و حِصِلِه ای هَمرا تَحمِل کِنِنی.