Popular Bible Verses from اوّل تِسالونیکیان 4

Share

اَزما، اَما گه زینِّمی و بِجا بَمونِسمی، وِشونی هَمرا اَبریشونی دِلِه لُو بَوِرد وومی تا خِداوندِ هوایی دِلِه بَوینیم، و هَینجوری هَمِش خِداوندی هَمرا دَرمی.

چون خِداوَند شِه، یَتِه حِکم گه گَتِه دادی همرائه فرشتگونی رئیسی اَوازی هَمرا و خِدایی شیپوری اَوازی هَمرا، آسِمونی جا جِر اِنِه. و اَوّل مِردگون مسیحی دِلِه زینِّه وونِنِه،

چون خِدایی اِرادِه هَینِه یَعنی شِمِه مِقَدَّس ووئن: گه شِرِه بی‌عفتی ای جا دور دارین. تا هر‌ کدیم از شِما دِنِّه گه چِتی شی تَنِ مِقدّس ووئن و احترامی دِلِه دارِه.

چون از اوجِه گه اَما ایمون دارمی گه عیسی بَمِردِه و زینِّه بَوِه، پَس همینجور، خِدا اونانیگه عیسایی دِلِه بَمِردِنِه رِه، وی هَمرا اُرنِه.

و آرزو هاکِنین گه آرومِ زندگی دارین و شِمِه سَر شِمِه کاری دِلِه دَوو، و هَمونجور گه شِمارِ دستور هادامی شی دَسی هَمرا کار هاکِنین.

چون خِدا اَمارِه نا ناپاکی ای سِه، بَلگی مِقدّس ووئنی سِه بَخونِسِه.