Popular Bible Verses from اوّلین نامِه قُرنتیانی سِه 5

Share

ولی اَلَن شِمِسِه نِویسِمِه گه اونی هَمرا گه شِرِه بِرار خُونِّه، ولی بی عفتِ یا حریصِ، بِت پَرَسِ و فاش دِنِه، عرق خوار یا حیلِه گر هَسِّه، رفت و آمد نَکِنین، و هَینجور آدَمی هَمرا حتّی همسِفرِه نَووئین.

شِرِه کِهنِه خَمیرمایه ای جا پاک هاکِنین تا تازه خمیر ووئین، هَمونجور گه واقعاً هَم فطیرِنی. چون مَسیح، اَمِه پِسخی وَرکا، قِروونی بَوِه.

چون مِن چیکار دارمِه گه دیرگایی مَردِنی خَوَری قضاوت هاکِنَم. مَگِه قضاوت اونانی خَوَری گه کلیسایی دِلِه دَرِنِه، شِمِه وَظیفِه نیِه؟ خِدا شِه دیرگایی مَردِنی خَوَری قضاوت کِنِّه. پَس «هون شَرورِ آدَمِ شی میِنی جا دیرگا هاکِنین.»