Popular Bible Verses from اوّلین نامِه قُرنتیانی سِه 15

Share

پَس، می عزیزِ بِرارِن، پابرجا و پایدار ووئین، هَمِش خِداوندی کارِ ویشتَر و ویشتَر اَنجام هادین، چون دِنِّنی شِمِه زحمت خِداوندی دِلِه بیخِدی نیِه.

ولی خِدارِه شِکر گه اَمِه خِداوند عیسی مَسیحی طریق اَمارِه پیروزی دِنِه.

گول نَخارین: «بَدِ همنشین، خِبِ اخلاقِ خراب کِنِّه.»

ولی اونیگه اَلَن وینِنی هَسمِه خِدایی فیضی خاطریه، و وی فیض میسِه بی فایده نَوِه. برعکس، مِن دِشتِه وِشونی جا سخت تر کار هاکِردِمِه، ولی نا مِن، بَلگی خِدایی فیضی خاطری گه می هَمرا دَرِه.

«اِی مرگ، تی پیروزی کِجِه دَرِه؟ و اِی مرگ، تی نیش کِجِه دَرِه؟» مرگی نیش گِناهه و گِناهی قِوَّت، شریعَتِ.

گوش هادین! یَتِه رازِ شِمارِ گِمِه: اَما هَمه نَمیرمی بَلگی هَمه تبدیل وومی. یَه لَحظه و یَتِه چِش بِهم بَزوئَنی اَنّا، همون موقِه گه آخرین شیپور بَزِه وونِه. وختی شیپوری صدا در اِنِه، مِردِگون زینِّه وونِنِه و دِ از بِین نَشونِنِه، و اَما تبدیل وومی.

چون هَمونجور گه بَمردَن یَتِه آدَمی طریقی جا بیمو، مِردگونی زینِّه بَووئَن هَم یَتِه آدَمی طریقی جا اِنِه. چون هَمونجور گه هَمه آدَمی دِلِه میرِنِه، هَمه مسیحی دِلِه هَم زینِّه وونِنِه.

چون هَین تَن گه از بِین شونِه وِنِه هون تَنی گه از بِین نَشونِه رِه دَکِنِه و هَین تَنی گه فانیِه وِنِه هون تَنی گه فانی نیِه رِه دَکِنِه.

چون وی وِنِه تا وختی گه دِشتِه شی دِشمَنِنِ شی لینگی بِن بِلِه، سلطنت هاکِنِه. مرگ، آخرین دِشمنیِه گه وِنِه از بِین بورِه.