Popular Bible Verses from اوّلین نامِه قُرنتیانی سِه 13

Share

مِحبت صبور و مِهرَوونِ؛ مِحبت حَسودی نَکِنِّه و فَخر نَکِنِّه، مِحبت غِرور نارنِه. مِحبت بی ادب نیِه و شی منفعتی دِمال دَنیِه؛ مِحبت غیظ نَکِنِّه و کینِه به دل نَئیرنِه؛

مِحبت هَمه چی ای هَمرا مِدارا کِنِّه، مِحبت هَمه چیرِه باور کِنِّه، هَمِش اِمید دارنِه و هَمه چیرِه تَحمِل کِنِّه.

مِحبت بَدی ای جا خِشال نَوونِه، ولی حَیقَتی هَمرا خِشالی کِنِّه.

پس اِسا، هَین سِه تا مونِّه: ایمون، اِمید و مِحبت. ولی هَینی دِلِه ای گَت ترین مِحبتِ.

مِحبت هیچ وَخت تُوم نَوونِه. ولی نَبِوّتیشون از بِین شونِه و زِوونا تُوم وونِه و معرفت نیست وونِه.

اگه آدمِن و فِرشتِگونی زِوونا گَب بَزِنم، ولی مِحبت نارِم، هِتی یَتِه سِنجی گه خِیلی سَر و صِدا کِنِّه، و یَتِه تو خالی طبلی تَرامِه.

اگه نَبِوّت هاکردنی قِدرَتِ دارِم و بَتِنَّم دِشتِه رازا و معرفتِ بِفَهمِم، و اگه هَینجور ایمونی دارِم گه کامِل ووئه جوریگه بَتِنَّم کوهیشونِ جا‌به‌جا هاکِنِم، ولی مِحبت نارِم، هیچمِه.

اگه هر چی گه دارمِه رِه صدقه هادَم و شی تنِ تَشی اَلوکی سِه بِسپارِم، ولی مِحبَت نارِم، هیچ سودی می عائید نَوونِه.

هون موقِه گه یَتِه کِچیک وَچِه ویشتَر نَوِمِه، هِتی کِچیک وَچیله ای تَرا گَب زووِمِه و هِتی کِچیک وَچیلِه ای تَرا فِکر کِردِمِه و هِتی کِچیک وَچیله ای تَرا دلیل اُردِمِه. وختی گَتِه مَردی بَوِمِه، شی وَچه وونی ای رفتاری جا دَس بَکِشیمِه.