Popular Bible Verses from نامه رومیانِ کلیسایِ وَسین 1

Share

چون مَن اِنجیلِ جی خجالت نَکِشِنَم، چونکه اِنجیل خُدایِ قوَّتِ، هر کَسِ نِجاتِ وَسین که ایمان بیارِه، اَوَّل یهود و ایما غیر یَهود.

چون اِنجیلِ دِلِه، اون صالحی ای که خُدایِ جییِه آشکار بونِه، که شروعِ جی تا آخر ایمانِ سَر پابرجائه. هَمونجور که حَبَقوقِ پیغمبرِ کِتابِ دِلِه بَنویشت هَبا: «صالِح آدَمان ایمانِ همره زندگی کانَن.»

چون اون خُدای صِفات که نشَئنِه بَدییَن، یَعنی اونه اَبدی قُدرَت و الهی ذات، اون موقه یه جی که دُنیا خلق هَبا، اون چیزانِ دِلِه که بِساته هَبا، واضح بَدییِه بونه، پَس اوشان هیچ بَهونِه ایی نِدارَن.

چون هرچَن خُدا رِه بِشناختِن، ولی اونه ایتا خُدای مِثان حُرمَت نُذاشتِن و شُکر نَکُردِن، بلکه خودِشانِ فِکرِ دِلِه هیچ و پوچِ گرفتار هَبان و اوشانِ نادانِ دِلِشان رِه تاریکی بِیتِه

چون اوشان اون حقیقتی که خُدایِ بارِه هیسِه رِه دُرویی یه هَمره عوض هَکُردِن و مخلوق رِه، خالقِ عوض پَرسِّش و خِدمت هَکُردن، خالقی که بایِسّی تا اَبد اونه پرسِّش هَکُردن، آمین.

چون خُدایِ غَضَب آسِمانِ جی هرجور بی خُدایی و آدمِانِ ناراسّی یه سَر هَنِه، که خودِشانِ ناراسّی یه همره حَقیقَتِ از بین بَرنِن.

اینِه وَسین خُداوند اوشانه شرم‌آور هوا و هَوسهای دِلهِ وِل هَکُردِه. چونکه اوشانه زِناکان، طبیعی رابِطه رِه غیر طبیعی رابطه یه هَمرَه عوض هَکُردَن. اینه وَسین مَرداکان هَم طَبیعی رابطه یه جی زِناکانِ هَمرَه دَس بَکِشیَن، همدیگَرِ هوا و هَوَس تَشِ دِلهِ بَسوتَن. مَردِکان، مَردِکانِ هَمرَه شرم‌آور کار هَکُردَن و خودِشانِه بَدِ کارهایِ مکافاتِ بِیتَن. اوجه یه جی که خُداِی بِشناسیَن اوشانِ وَسین اَرزِشی نِداشته، خُدا هم اوشانِ بَد فکرهایِ دِلِه وِل هَکُردِه تا اون کاری که نَباید هَکُنَن رِه، انجام هَدَئن

هرچَن اِدِّعا هَکوردَن حَکیمَن، ولی نادان هَبان وَ اوشان خُدایِ اَبدی جَلالِ، اون بُتهایِ همرهَ که آدَمِ فانی و پرندِگان و حیوانان و خَزَندِگانِ مِثانِ عَوَض هَکُردِن.