Popular Bible Verses from اِنجیل مَرقُس 2

Share

عیسی وَختی این گَبِ بِشنَوِسِّه اوشانه باَگوته: «مَریضانَن که به طَبیب احتیاج دارِن، نه سالِمِ آدَمِشان. مَن نومَم تا صالِحانِ دَعوت هَکُنَم بلکه بومَم گُناهکارانِ دعوت هَکُنَم.»

وَختی عیسی اوشانه ایمانِ بَدییَه، اون چُلاقِ باَگوته: «اِی ریکا، تی گُناهان آمرزیده هَبا.»

وَ اوشانه باَگوته: «مُقَدسِ شَنبِه روز آدَمی یه وَسین دُرس هَبا، نه آدَمی مُقَدسِ شَنبِه روزِ وَسین.

وَلی چون آنقَدَر ازدحام زیاد با اوشان نَتَّنِسَّن اونه عیسی وَر بیارِن، پَس اوشان عیسی سَرِ جآرِ سَخفِ وَچییَن. بعدِ اینکه سَخفِ وَچییَن، چُلاقِ مردای رِه دوشَکِ هَمرَه که اونه سَر خاتِه با، جیر روانه هَکوردن.

ولی اینِه وَسین که بِدانید اِنسانِ ریکا زَمینِ سَر این قدرت و اِختیارِه دارِه که گُناهانِ بیامُرزِه» - اون چُلاقِ باَگوته: «تِره گونَم، وَرِس، تیِ لا رِه جَمع هَکُن و سِرِه بوشو!»

این چُلاقِ چی باگوتَن آسانتَرِ، اینکه ”تی گُناهان آمرزیدِه هَبا“ یا اینکه ”وَرِس و تی لا رِه جَمع هَکُن و راه بوشو“؟

اون چُلاقِ مَردَای ورِسَه دَرجا خودشه لا رِه جَمع هَکُردِه و هَمِه یه چِشِ وَر اوجِه یه جی دِرگا بَشَه، هَمِه تَعجب هَکُردَن و خُدا رِه شُکر هَکُردَن گونه بان: «هیچ وَخت اینجور چیزی نَدیه بِیم.»