Popular Bible Verses from اِنجیل مَرقُس 13

Share

هَمِه می اسمِ خاطِری شیمی جی بیزار بونَن، وَلی هر کی که تا آخَر دَوام بیارِه و بِمانه، نِجات گیرنِه.

پَس بیدار بییَسید و شِیمی حَواس دَبو، چون نِدانین اون موقِه کِی رَسِنه.

پَس هر وَخت شِمِره دَسگیر هَکُردَن و مَحکَمِه بَکِشاندَن، پیش پیش نِگَران نَبین که چی باگویین، بلکه اونچه که همون موقِه شِمِرِه هَدَه بونه، اونِه باگویید، چون اونیکه گَب زَنه شُما نییَین، بلکه روح القُدُسِ.

آسِمان و زَمین از بِین شونِه، وَلی می گَبِشان هیچ وَخت از بِین نَشونِه.

«بِجزآسِمانی پیَر هیچکی اون روز و ساعَتِ نِدانه؛ حتّی آسِمانِ فِرِشتِگان و ریکا هَم اونه جی خَبِر نِدارَن.

وَختی جَنگِشانِ بارِه اِشنَوِنید و جَنگِشانِ خَبِر شِیمی گوش رَسِنه، پَریشان نَبین. اینجور چیزان بایسِّی اتّفاق دَکِه، وَلی هَلَه این آخِرِ زِمان نیِه.

پَس شُما هَم بیدار بییَسید، چونکه نِدانین صاب سِرِه کِی هَنه، شُو یا نِصفِ شُو، تِلایِ دُخوانِسَّنِ موقِه یا صُبِ سَر. نَکُنِه اون یِدَفه بییِه و شِمِرِه خُوابِ دِلِه بِینِه. اونچه که شِمِره گونَم، هَمِه رِه گونَم: بیدار بییَسید!»

قومان و مَملِکَتان همدیگَرِ عَلِیه وَرِسِنَن. خیلی جاها زِلزِلِه هَنه، قَحطی بونه. وَلی ایشان تَنها شُروع بِزاسَّن دَردِ ماندِنِه.

اَوَل بایسّی انجیل تمام قومِشانِ وَسین اِعلام هَبو.

چون خِیلیان می اِسمِ هَمرَه هَنِن، گونَن، ”مَن همون مَسیحَم“ وَ خِیلیان رِه راه جی به در کانَن.

«وَلی شُما شیمی مُواظِب هَبین، چون شِمِره مَحکَمِه یه تَحویل دَنِن و عِبادَتگاهانِ دِلِه زَنِن و می خاطِری فَرمانداران و پادِشاهانِ وَرجه هیسِنین تا اوشانه پِیش شَهادَت هَدین.

چون دروئی مَسیحان وپیغمبران وَرِسِنِن، وَ عَجیب کاران و مُعجِزِها کانَن تا اَگه هَبو اِنتخاب هَبوسِّه شان رِه هم راه جی بِدَر هَکُنَن.

«وَلی اون روزان، اون گَتِ مُصیبَت دُمّال، «”خورشید تاریک بونه و ماه دِ سو نَدِنه. سِتارِه شان آسِمانِ جی جیر کَنِن و آسِمانِ ستونان لَرزِه دَکِنه.“