Popular Bible Verses from اِنجیلِ لوقا 3

Share

موقه ایی که هَمه یه مَردُم تَعمید گیرنه بان و عیسی هَم تَعمید بِیتهِ با و دُعا کانِبا، آسِمان واز هَبا و روح القُدُس جِسم دِلِه، ایتا کَفترمثان اونه سَر جیر بوما و ایتا صِدا آسِمانِ جی بوما که: «تو می عزیزِ ریکایی، مَن تی جی راضییَم.»

یحیی همه اوشانه اینجور جَواب هَدَه و گونِه با: «مَن شِمِره اُویه هَمرَه تَعمید دَنَم، وَلی كسی می جی رَسدارتر هَنه که حَتّی من لایق نیِیَم اونه چَمیشِ بَندِ واز هَکُنَم. اون شِمِره روح القُدُس و تَشِ هَمرَه تَعمید دَنه.

اَعمالی که نِشان دَنه شُما توبِه هَکُردین رِه اَنجام هَدین و شیمی هَمرَه نَگین که: ”اَمِی جَد ابراهیمِ.“ چون شِمِره گونَم، خُدا تانه این سَنگِ جی اِبراهیمِ وَسین وَچِه هان دُرس هکونِه.

اَلَان تُوار دارِ ریشِه یه سَر دَرِه و هر داری كه خُجیرِ میوِه نیارِه، بَبیه و تَشِ دِلِه تُووادِه بونه.»

هَمونجور که اِشعیایِ پِیغَمبَرِ کتابِ دِلِه بوما: «یِنَفر صَحرایِ دِلِه داد زَنِه ”خُداوَندِ راه رِه آمادِه هَکُنید! وَ اونه راهان رِه هَموار هَکونید! تمام دَرِّه شان پُر و تمام کوه و کوتی شان هَموار بونَن؛ وَلِ راهِشان راس و چالِه چولِه شان هَموار بونَن. اونوَخت تمام مَردُم خُدایِ نِجات رِه دینَن“‌»