Popular Bible Verses from انجیلِ یوحنا 15

Share

«مِ رَزُم وِ ایشا کِلغِه‌یَلِ وُه. کسی که ایوِیسِه مِنُم وِ مو مِنِه وُّ، یِکِلی میوه ایارِه؛ سی‌یِکِه جیا وَ مِ هیچ نیتَریت کِنیت.

وِیسیت مِنُم، وِ مِ هَم ایوِیسُم مِنِه ایشا. هَموطو که اَر کِلغَه نَوِیسِه مِنِه رَز نیتَرِه وَ خُوش میوَه بیارِه، ایشا هَم اَر نَوِیسیت مِنُم نیتَریت میوَه بیاریت.»

اَر وِیسیت مِنُم وِ کلامُم وِیسِه مِنِه ایشا، هر چیئی که ایخِیت، درخواس کِنیت که سیتون کِردَه ایابو.

ایشا نَبیئیت که مِنَه انتخاب کِردیت، بلکم مِ ایشا نَه انتخاب کِردُم وِ قرار دام تا بِرِیت وِ میوَه بیاریت وِ میوۀ ایشا وِیسِه، تا هر چه وَ بُو وَ نومِ مِ درخواس کِنیت وَ ایشا عطا کِنِه.

محبتی بیشتَرَ یِه وجود نَیارِه که کسی جونِشَه بِنِه وَ رَه دوسَلِش.

هر کِلغِه‌ای مِنُم که میوَه نَیارِه، وِه نَه ایبِرِه، وِ هر کِلغِه‌ای که میوَه بیارِه، وِه نَه هَرَس ایکِنِه تا بیشتر میوَه بیارِه.

«حکمِ مِ یِنِه که یَکَه محبت کِنیت، هَموطو که مِ ایشا نَه محبت کِردِمِه.

جلالِ بُوم مِنِه یِنِه که ایشا یِکِلی میوه بیاریت؛ وُ وَ ای صورت شاگردِ مِ ایابِیت.»

«مِ رَزِ حقیقی یَم وِ بُوم باغبونِه.

اَر کسی نَوِیسِه مِنُم، مِی کِلغِه‌ای یَه که وِرِش اییِن اوبال وِ خشک ایابو. کِلغِه‌یَلِ خشک وابی‌یَه نَه جَم ایکِنِن وُ وِرِشون اییِن مِنِه تَش، ایسوزَنِن.

ای گَپَلَه وَ ایشا گُتُم تا شایی مو مِنِه ایشا هَم بو وِ شایی ایشا کامل وابو.»

اَر حُکمَلِ مِنَه نِگَه کِنیت، ایوِیسیت مِنِه محبتُم؛ هَموطو که مِ حُکمَلِ بُو خِمَه نِگَه کِردِمِه وِ ایوِیسُم مِنِه محبتِش.

حکمِ مِ وَ ایشا یِنِه که یَکَه محبت کِنیت.»

اَر این دنیا بیئیت، دنیا ایشا نَه مِی کَسَلِ خُوش دوس داشت. امّا سی‌یِکِه نَه این دنیایِیت، بلکم مِ ایشا نَه وَ دنیا انتخاب کِردِمِه، دنیا وَ ایشا نفرت دارِه.