Popular Bible Verses from نامَه وَ عبرانی‌یَل 1

Share

وِّ نورِ جلالِ خدا وِ نقشِ کاملِ ذاتِ وِّنِه، وُ وِّ تَمومِ چییَلَه بِی کلامِ قُویَتِ خُوش نِگَه ایکِنِه. وِّ دِندِی پاک کِردَنِ گِنایَل، نِشَس وَ دَسِ راسِ حضرتِ اعلی مِنِه عرشِ بَرین.

مِنِه قدیم، خدا چَندین دَفَه وُ وَ رَیَلِ جورواجور وَ واسطۀ پِیغَمبَرَل بِی بُویَلِ ایما گَپ زَه، امّا مِنِه ای روزَلِ آخِر، وُّ وَ واسطۀ کِرِ خُوش بامون گَپ زَیِه، هَمو کِری که وِّ نَه وارث، سی همه چی تعیین کِردِه وُ وَ واسطۀ وِّ هَم جهانَه آفَری.

مِی اونگَل هَمشون نَه روحَلی یَن که خِذمت ایکِنِن که بِسی ایابون سی خذمت کِردَن وَ اونگَلی که نجاتَه وَ ارث ایبَرِن؟

وِ هَم فرمایش ایکِنِه: «تو، ای خداوند، وَ اَول پییِی زمینَه نِهِی، وِ آسمونَل کارِ دَسَلِ تِنِه! اونگَل وَ بِین ایرَن، امّا تِ وَجا ایوِیسی! تَمومِ اونگَل مِی جومِی نیمدار ایابون!