Popular Bible Verses from نامَه اَفِسُسِنیا 6

Share

اَسِی که کُشتی گِرِتَئِه اَما خاد آدامیا که از جسم و خون هِت، نی، بلکه وَ ضد حاکمیا، وَ ضد کُدرتمندیا، وَ ضد مِ کُدرتِی‌یه که لِی اِ دُنیَی تاریکا تسلط شُهَه و وَ ضد نیروئِی روحانِنِ شریرِه که تِی جَی‌یَی آسِمونی هِت.

و مَ وَخت، خاد مَ رَکَم دعا و خواهش و تمنا، تِی روح خدا دعا بِکنی. وَخاطر هَمِ بیدار و هوشیار بی و تیپَستا وَ پایداری، اَسِی هَمَهِ ایموندارِی اُ مسیح دعا بِکنی.

اسلحَه کامل خدائا اُبار کِنی تَ تُبِشابِه جلووِ فریبِی ابلیس وَایستی.

پَ اسلحَه کامل خدائا اُبار کِنی، تَ تِی راز شرّ، تُبِشابِه طاکَت بیاری، و تُبِشابِه بعد از اَنجوم مَچی، مُحکام وَایستی.

تِی هر وضعی، سِپَر ایمونا واسِهی، تا تُبِشابِه خاد آنا هَمَهِ تیرِی تَش گِرِتَئِه مِ شَریرا خاموش آکنی. کلاهخود نجاتا لِی سِرتو هُنِسی و شمشیر روح خدائا که هَمِ کلوم خدائِه، تِی دستتو بِگِری.

پَ مُحکام وَایستی، در حالی که تَسمَه حکیکت تُن کُمَر بَستِه و زِرَهِ صالح بُدَه‌ئا تُن بار کِردِ، انجیل صلح و سلامتیا چُنِ یَک جِتی طوری اُ پا کِنی که اُنگار آمادَه پَخش کِردَش هی.

آخر کَر، تِی خداوند و تِی کُوّتی که از کُدرت آنا اَدا، کَوی بی.

«اُ با و نَنَت احترام هُنِس»، که اِ اوّلین حُکمیه که خاد وعدَه‌ئِه: «تَ مَچی باب دلُت جلو اُچِه و لِی زِمی عمر طولانی بِکنِش.»

اَی بَچیا، از با و نَنَتو تِی خداوند اطاعت بِکنی، اَسِی که کَر وَلم اِئِه.