Popular Bible Verses from نامَه دوّم قُرِنتِنیا 1

Share

مُتبارک بِه خدا، بای خداوند اَما عیسی مسیح، که بای رحمتیا و خدای هَمَهِ دلگرمِنیائِه؛ مِ خدایی که اُ اَما تِی هَمَه مصیبتیامو دلگرمی اَدَ، تَ اَما هم مُبِشابِه وَ مِ دلگرمِنی که خومو از خدا مُگِرِتِه، اُ آنایایی که تِی هر مصیبتی هِت، دلگرم آکنِم.

اَسِی که هَموناکِه فَراوون از زَجرِی مسیح سَهم اَبرِم، هَمونا هم اُ واسطَهِ مسیح، از دلگرمی، فَراوون سَهم اَبرِم.

حکیکتاً هم اُنگار که حُکم مرگمو شُدَدِ. ولی اِ اتفاکیَه‌وا اَسِی اِ اُفتَه تَ نِه اُ خومو، بلکه اُ خدایی تَکیَه بِکنِم که اُ مُردَیّا زندَه اَدَکو.

اِ خدائِه که اُ اَما خاد شما تِی مسیح پابَرجا اَکو، و اُ اَما مَسح و تعیین اُشکِردِ. و مِ خدائِه که مُهرُش شُ اَما زادِ و روحُش چُنِ یَک بَیعانَه شُ دلیامو دَدِ.

اَگَه تِی مصیبت هِم، وَخاطر دلگرمی و نجات شمائِه، و اَگَه دلگرمِم، وَخاطر دلگرمِنِ شمائِه، و اِ وَختی اتفاک اَفتِه که شما وَ صبر تِی مِ زَجرِی که اَما اَکَشِم، طاکَت بیاری.