Popular Bible Verses from نامَه اوّل پِطرُس 1

Share

مُتبارکِه خدا، بای خداوندمو عیسی مسیح، که طِبک رحمت گات خوش اُ واسطَهِ زندَه آبُدَئِه عیسی مسیح از مُردَیّا، باعث بُدِ تَ اَما تولدی تازَه مُبِه اَسِی امیدی زندَه، اُ میراثی که هِسوَخت از بین ناچِه، فاسد نابِه و آناپیسِئی، که اَسِی شما تِی آسِمو نِگَه کِردَ بُدِ،

شما از اِ بابَتا بُری خارام هی، با اِکِه آلَه اَسِی یَک مدت کامی بَنا وَ ضرورت، وَ امتحانِی مَ رَکَمی غمگین بُدِستی، تا اصیل بُدَئِه ایمونتو تِی امتحان ثابت بِبِه، و موکَهِ ظاهر بُدَئِه عیسی مسیح باعث حمد و ستایش و جلال و حرمت بِبِه، مِ ایمونا که بُری کِراماندیتَه از طِلائِه، که با اِکِه از بین اَچِه، ولی وَ تَش امتحان اَبِه.

بلکه هَموناکِه، مِ کسی که دعوت اُشکِردی کدّوسِه، شما هم تِی هَمَهِ رفتاریاتو مکدّس بی؛ اَسِی که تِی تورات نوشتَه بُدِ: «مکدّس بی، اَسِی که ما کدّوسام.»

چُنِ بَچِی که فَرمو اَبرِت، وَ شَکل هوی و هَوسِی که تِی دُورَئِه نادونِنِ گذشتَتو تُهاد، مَبی.

پَ، فکرتو اَسِی عمل آمادَه آکنی، و هوشیار بی، وَ امیدتو کامل لِی فیضی بِه که موکَهِ ظاهر بُدَئِه عیسی مسیح اُ شما دَدَ اَبِه.

اَسِی که، «تَموم جسم چُنِ عَلافِه و هَمَهِ جلالُش چُنِ گُل صَحروئِه؛ عَلاف هُشک اَدَبِه و گُل هم اَبَرِئی، ولی کلوم خداوند تا اَبَد اَدَمانِه.» اِ کلوما، خبر خَشیه که اُ شما اعلام بو.