Popular Bible Verses from نامَه اوّل قُرِنتِنیا 15

Share

پَ، کاکَئِی عزیزُم، پایدار بی، مُحکام بی و همیشَه اُ کَر خداوند مشغول بی، اَسِی که اَدانی زحمت شما تِی خداوند بی فایدَه نی.

ولی خدائا شکر که اُ واسطَهِ خداوندمو عیسی مسیح اُ اَما مِ پیروزِنا اَبَخشِه.

گول مَخری: «رَفیک بَد، اخلاک خَشا فاسد اَکو.»

ولی مِ چِی که هام، وَخاطر فیض خدائِه که هام و فیض آنا اَسِی ما بی‌فایدَه نِهاد. بَرعکس، ما از هَمَهِ آنایا بِشتَه کَر اُمکِه، با اِکِه اِ ما نِهادام، بلکه فیض خدائِه که خاد مائِه.

«اَی مرگ، پیروزِنِ تو کُئِه؟ اَی مرگ، نیش تو کُئِه؟» نیش مرگ گناهِه و کُدرت گناه، شریعتِه.

گاش کَر بِکنی! مَئِه یَک سِرری تُبِگام: اَما هَمَمو نامِرِم، بلکه هَمَمو اَلِش اَبِم. تِی یَک لحظَه، تِی یَک چَش اُ یَه زادَ، موکَه‌ای که شیپور آخر اُ صدا در اَدا. اَسِی که مِ شیپورا اُ صدا در اَدا و مُردَیّا یَک طوری که دِگَه از بین ناچِت زندَه اَدَبِت و اَما اَلِش اَبِم.

اَسِی که هَموناکِه مرگ اُ واسطَهِ یَک آدام اُمَ، زندَه آبُدَ از مُردَیّا هم اُ واسطَهِ یَک آدام اُندِ. اَسِی که هَموناکِه تِی آدام هَمَه اَمِرِت، هَمونا هم تِی مسیح هَمَه زندَه اَدَبِت.

اَسِی که اِ بَدنا که از بین اَچِه باید اُ مِ بَدنا که از بین ناچِه اُبار کو و اِ بَدن فانی باید بَدن غیرفانی اُبار کو.

اَسِی که آنا باید تا زَمونی که هَمَهِ دشمنیاش اُ زِرِ پاش نِسِه، حُکمرانی بِکو. دشمن آخری که باید از بین اُچِه، مرگِه.