Popular Bible Verses from نُومَه وِ کلیسای روم 6

Share

سی یَکِه مُزِ گُنَه مرگ اَ، اما پیشکَشِ خدا حیاتِ ابدی اَ دِ خداوندِ اِیما مسیح عیسی.

سی یَکِه گُنَه وِ ری شِما حاکم نِموئَه، دِ اوچِه کِه زیرِ شریعت نیسیت بلکِم هایت وِ زیرِ فیض.

پس وا تعمید گِرِتِه دِ مرگ، وا او نِئانِمُونَه دِ قُور تا هِه چِنُو کِه مسیح توسطِ جِلالِ بُوَه، دِ مُردَه‌یا زِنَه بی، اِیما هَم دِ تازِئی زِنِه‌ئی گُوم وِرداریم.

عُضویا بدنِتُو نِه نِئیت وِ دَسِ گُنَه تا وسیلَه ناراسی بان، بلکِم هِه چی کَسُونی کِه دِ مرگ وِ زِنِه‌ئی وِرگَشتِنَه، خُوتُو نِه بِئیت وِ دَسِ خدا تا عُضویا بدنِتُو وِ دَسِ خدا وسیله‌ای بان سی راسی.

اِیما دُونیم او آیِمِ قدیم کِه بیئیمُو، وا او وِ صلیب کَشِس تا بدنِ گُنَه نابود با، تا دَ بَنَه گُنَه نوئیم.

پس شِما هَم بایِس خُوتُو نِه نِسوَت وِ گُنَه مُردَه فرض بَکیت وَ دِ مسیح عیسی نِسوَت وِ خدا، زِنَه.

پس بُوئیم چی؟ یعنی هِه گُنَه بَکیم تا فیض زیاد بوئَه؟ اصلا! اِیما کِه نِسوَت وِ گُنَه مُردیم، چِطور تُونیم هَنی دِ وَه زِنِه‌ئی بَکیم؟

مَه نُئُونیت اَر خُوتُو نِه چی غُلِم‌یا مطیع، بِئیت وِ دَسِ کَسی، غُلِم‌یا او کَس موئیت کِه دِش فِرمُو مُوریت، چِه غُلِمِ گُنَه بایت،کِه وِ مرگ می‌کَشَه، چِه غُلِمِ اطاعتِ خدا، کِه وِ صالح‌بی‌یِه می‌کَشَه؟

اما خدا نِه شکر، شِما کِه یِه زِمُونی بَنَه گُنَه بیئیت، ایسِه وا تمُومِ دِل مطیعِ تعلیمی بیئیتَه کِه خدا وِ شِما دِئَه. وَ شِما وا آزاد بی‌یِه دِ گُنَه، بَنَه‌یا صالح‌بی‌یِه بیئیتَه.