Popular Bible Verses from کاریا رسول‌یا 7

Share

هِه کِه اِستیفان نِه سنگسار می‌کِردِن، او دعا کِرد، گُت: «عیسی خداوند، روحِ مِه نِه قبول کُو!» اوسِه زُونی زَه وَ وا دَنگِ بُلِن گُت کِه: «اِ خداوند! ایی گُنَه نِه وِ پاشُو نَنی» یَه نِه گُت وُ دِ خداوند حُفتی.

« ”خداوند فَرمایِشت می‌کَه: آسمُو تختِ پاتشائی مِه‌نَه وَ زِمی کُرسیِ زیرِ پام! چِه حُونِه‌ای سی مِه بِنا می‌کیت، وَ دِ کجا سِتار بِئیرِم؟

اما وِنُو گوش‌یاشُو نِه گِرِتِن، وَ تا تُونِسِن وا دَنگِ بُلِن قارَنِن وَ گِردِشُو وا یَک رِمال بُردِن وِ اِستیفان وَ او نِه تُرکَش دِ شهر بُردِن وِ دَر، سنگسار کِردِن. اوسِه وِنُو کِه شاهادَتی دِئینی، جُومَه‌یاشُو نِه وِ تِه پایا جِوُونی وِ نُومِ شائول نِئان.