Popular Bible Verses from مرقس انجیل 13

Share

همه می ایسم واسه شیمه جی نفرت دئنَن؛ امّا هر کس تا آخر دوم بئری، نجاتِ هگینه.

پَس واخوب ببین و بیدار بیسین، چونکه نودوئنین او وقت کی رسنه.

پَس هر وخت که شمره بیتَن که محاکمه بکونن، پیشتر نیگرؤن نبین که چی بوگوین، بَلکه هرچی هو وخت که شمره هَدَه بنه، اونه بوگوین چونکه شمه نییئن که گوتدرین، بَلکه روح‌القدس ایسّه.

آسمؤن و زمین از بین شنه، امّا می گبؤن هرگی از بین نشنه.

«اما هیشکس او روز و او ساعت خبر ندائنه به جز آسمونی پئر؛ حتی آسمؤن فرشته أن و ریکه هم اونای خبر ندائنن.

وختی جنگؤن باره ایشتؤنین و جنگؤن خبر شیمه گوشَ رسنه، هراسون نبین. ایجور اتفاقؤن باید دکای، ولی حله آخر زمون نرسه.

پَس شمه هم بیدار بیسین، چونکه نودوئنین که صابخونه کی هنه، شؤ یا نیصف شؤ، تله اویی گودن وخت یا صوبه دم. نبی که او یدفاری بای و شمرِ خؤ میئن بَینی. اوچیِ که شمره گونَم، همتَه گونَم: بیدار بیسین!»

یکته قوم یکته قوم دیگه ضد و یکته مملکت یکته مملکت دیگه ضد ویریسَنن. زلزله‌ و قحطی خیلی جاأن هنه. امّا ایی تازه شروع درد زایمؤن مؤنه که زمؤن، ایی دردِ جی تا او درد کمتر و کمترَ بنه.

اول باء انجیل همته قومؤنِ به اعلام ببی.

چونکه خیلی أن می ایسم أمره هَنن، گونَن مو ”هونم“ و خیلی أن گُمراه کوئنَن.

«و امّا شمه خودتؤن واخوب ببین، چونکه شمره محکمه أن دست هَدِئنَن و عبادتگاه أن میئن زئنن و می وسه فرماندارؤن و پادشاهون ورجه شنین تا اوشونِ جلو گُوائی بدین.

چونکه دروغی مسیحی أن و دروغی پیغمبرؤن ویریسَنن، نیشونه أن و پیله مُعجزه أن آشکارَ کوئنن تا اگه ببی، حتی انتخاب بوبوُکوئنه گُمراه بکونَن.

«امّا او روزؤن میئن، بعدِ او مصیبت، «”آفتؤ تاریکَ بنه و ماه دِه فونتؤئنه. ستاره أن آسمؤناجی جیر کِئنن و آسمؤنِ قوتون لرزنن.“