Popular Bible Verses from یوشَع 1

Share

مگر سنه امر اتمه‌مئشم؟ گوجلو و اورَکلی اول! قورخما، اوره‌یئن ده اوزولمه‌سئن. چونکی تارین رب گده‌جیئن هر یرده سنئنله‌دئر.»

بو شرئعت کئتابینین سؤزلری دئلئندن دوشمه‌سئن، گجه-گوندوز اونون اوستونده دوشون کی، اورادا یازیلان هر شیه دقئق عمل اده‌سن. چونکی او واخت یولون اوغورلو اولاجاق و آماجینا چاتاجاقسان.

آنجاق چوخ گوجلو و اورَکلی اول؛ دئقّت ات کی، قولوم موسانین سنه تاپشیردیغی بوتون قانونا عمل اده‌سن؛ اوندان نه صاغا، نه ده سولا دؤن کی، گده‌جیئن هر یاندا اوغور قازاناسان.

بوتون عؤمرون بویو هچ کس سنه ضئدّ چیخا بئلمیه‌جک. موسا ائله اولدوغوم کئمی، سنئنله ده اولاجاغام، سنی بوراخمایاجاغام، سنی ترک اتمیه‌جیم.

گوجلو و اورَکلی اول، چونکی آتالارینا ورمک اوچون آند ائچدئیئم بو تورپاغی، سن بو خالقا مولک وره‌جکسن.

موسایا ددئیئم کئمی، آیاق قویاجاغینیز هر یری سئزه ورمئشم.

«قولوم موسا اؤلدو. ائندی قالخ، سن و بوتون بو خالق اوردون چایینی کچئب ائسرایئل اؤولادلارینا وره‌جیئم تورپاغا گدئن.

ربّئن قولو موسانین اؤلوموندن سونرا، رب موسانین خئدمتچئسی نون اوغلو یوشَعه دانیشیب ددی

صحرا و بو لوبناندان بؤیوک چایا قدر، یعنی فَرات چایینا قدر، خئتلی‌لرئن بوتون اؤلکه‌سی بؤیوک دهنزه قدر کی، گونشئن باتدیغی طرف اولسون، یِر سئزئن تورپاقلارینیز اولاجاق.

سنئن امرلرئنه ضئدّ چیخان و بویوردوغون سؤزه قولاق آسمایان هر کس اؤلدوروله‌جک. آنجاق سن گوجلو و اورَکلی اول.»

«اوردوگاهی گَزئن و خالقا امر ادئب دیئن: ”اؤزونوزه آذوقه حاضیرلایین، چونکی گلن اوچ گونده اوردون چایینی کچه‌جیئک و تارینیز ربّئن سئزه مولک اولاراق وردئیی تورپاغا گئرئب اورایا مالئک اولاجاقسینیز.“»