Popular Bible Verses from تثنئیه 10

Share

ائندی، ای ائسرایئل، تارین رب سندن نه ائسته‌یئر؟ مگر بونو ائسته‌مئر کی، تارین ربدن قورخاسان، اونون بوتون یوللارینی توتاسان، اونو سِوه‌سن، و تارین ربّه بوتون اوره‌یئنله و بوتون جانینلا خئدمت اده‌سن، و بو گون سنئن خیئرئنه دِدئیئم ربّئن امرلرئنی و قایدالارینی ساخلایاسان.

چونکی تارینیز رب آللاهلارین تاریسی، حؤکمدارلارین حؤکمرانی‌دیر. او طرفدارلیق اتمه‌یَن، روشوت آلمایان، عظمتلی، قودرتلی، و زَهملی تاری‌دیر.

بونا گؤره ده اورَکلرئنئزی ختنه ادئن و بئر داها دئکباش اولمایین.

او، یِتئمئن و دولون دادینا چاتیر. قرئبی سِوئر، اونا چؤرک و پالتار ورئر.

سئزئن فَخرئنئز اودور. بو عظمتلی و زَهملی عمللری تاری ادئر کی، گؤزلرئنئزله گؤرورسونوز.

تارینیز ربدن قورخون، اونا خئدمت ادئب باغلی قالین و آندلارینیزی آنجاق اونون آدینا ائچئن.

باخ، گؤیلر، گؤیلرئن لاپ اوجالاری بِله، یر اوزو و یر اوستونده اولان هر شی تارین ربّئندئر.

سئز ده قرئبی سِوئن، چونکی اؤزونوز ده مئصئر اؤلکه‌سئنده قرئب ائدئنئز.