Popular Bible Verses from MATTHAI 5

Share

Mei a vak khit ciangin kuamah in lawh khuh lo hi. Meivakna mun sangah koih zaw a, inn sung khempeuh a taangsak hi. Midangte in na gamtatna hoihte uh a muh ciangin vantungah a om na Pa uh min a phat theih nadingun mite mai ah na gamtat hoihna uh khuavak bangin na kilangsak un.

“Note pen leitung mite adingin khuavak tawh na kibang uh hi. Mual dawnah a om khua kiseelcip thei lo hi.

Lungsim takpi tawh Pasian a zong mite in Pasian mu ding ahih manin thupha ngah mi ahi uh hi.

Pasianʼ deih teng sep ding a hanciamte Pasian in lungkimna ngahsak ding ahih manin thupha ngah mi ahi uh hi.

Ahi zongin keʼn note kiangah kong genin ah: Na galte uh na it unla, no hong bawlsiate adingin thu na ngetsak un.

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

Kilem nading deihin a hanciam mite in Pasianʼ tate cihna ngah ding uh ahih manin thupha ngah mi ahi uh hi.

Dahin a thum a tau mite Pasian in amaute hehnem ding ahih manin thupha ngah mi ahi uh hi.

Pasianʼ deihna bangin a gamtat manin bawlsiatna a thuak mite vantung ki-ukna sungah a omte ahih manin thupha ngah mi ahi uh hi.

Midang a hehpih mite tungah Pasian in hehpihna pia ding ahih manin thupha ngah mi ahi uh hi.

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi. Note adingin vantungah thaman lianpi hong kikoih kholhsak ahih manin tua bang na tuah uh ciangin nuamin na lungdam un. Noteʼ hun ma-a kamsangte zong tua bangmahin a na kibawlsia ngei ahi hi.

A lungnem mite in Pasianʼ ciam sa leitang ngah ding uh ahih manin thupha ngah mi ahi uh hi.

“Note pen leitung mite adingin ci tawh na kibang uh hi. Ahi zongin ci a alna bei leh i alsakkik theih nading lampi om nawn lo hi. A kizat nading bangmah om nawn lo a, miteʼ tuatcil gawp dingin kipaai lel hi.

Tua ahih manin vantungah a om na Pa uh a cingtaak mah bangin note zong lungsim citakin na cingtaak nading uh na hanciam un.

Na gen peuhmah ahi ahihleh, ‘Hi,’ ci inla, ahi lo ahihleh, ‘Hi lo,’ cihna tawh kicingsak in. Tua bang hi loin kiciamna kam na zat ciangin Dawimangpa tawh kizomin thuman lo na hih lamtak hong kilang hi.

“Note in, ‘Mittang khat tang ding mittang khat, ha khat tang ding ha khat,’ ci-in a kigenna na zak sa uh ahi hi. Ahi zongin note kiangah keʼn kong genin ah: A gilote na thukkik kei un. Mi khatpeuh in na paang taklam hong bet leh a lang khat zong na dawh lai zaw in.

Tua ahih manin na mit taklam in na mawh nading hong piansak leh khel khia inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi. Na taklam khut in na mawh nading hong piansak leh sattan inla paai in. Na pumpi bupin hell khuk sungah hong kikhul sangin na pumpi na khat pelhem leh nang adingin hoih zaw lai hi.