Popular Bible Verses from MATTHAI 18

Share

Bang hang hiam cih leh keima minin mi nih le thum bek nangawn a kikhopna peuhpeuh ah kei ka om hi,” a ci hi.

Leitungah note nih thukimin na nget uh na khat peuhpeuh, vantungah a om ka Pa in hong pia ding hi.

Jesu in naupang khat samin amaute mai ah dingsak a, “A man mahmah in note kiangah kong genin ah: Note kikheelin naupang na bat kei uh leh vantung ki-ukna sungah na lut ngei kei ding uh hi.

Hih naupang bangin a kiniamkhiat mite, vantung ki-ukna sungah a lianpen hi ding hi.

Keima min hangin hih bang naupang khat a limbawl mi in kei zong hong limbawl ahi hi.

“Note kiangah a taktakin kong genin ah: Leitungah na kham peuhmah uh vantungah zong kikham dinga, leitungah na phal peuhmah uh vantungah zong kiphal ding hi.

“Tua mah bangin note in zong na lungsim uh ah na sanggamte uh mawhna na maisak nop kei uh leh vantungah a om ka Pa in note tungah zong tua bangmahin a hong bawl ding ahi hi,” a ci hi.

“Ahi zongin kei a hong um hih naupangnote khatpeuh a khialsak mi pen a ngawng ah an gawina suang lianpi khat kikhihin tuipi thuk sungah kikhia suk le ama adingin hoih zaw thampek ding hi.

Note in bangci ngaihsut na hi uh hiam? Mi khat in tuu za khat nei henla, a tuute khat mang leh, mual tungah a gamta a dang sawm kua le kuate nusia-in tua a mang pen a zong dingin kuan khia ding hi lo ahi hiam?