Popular Bible Verses from Titus 1

Share

သူတို့သည် ဘုရားရှင်ကို သိသည်ဟု အခိုင်အမာပြောကြသော်လည်း သူတို့ပြုသောအမှုအားဖြင့် ဘုရားရှင်ကို ငြင်းပယ်ကြ၏။ သူတို့သည် စက်ဆုပ်ရွံရှာဖွယ်ကောင်းသောသူ၊ မနာခံသောသူ၊ မည်သည့်ကောင်းမှုကိုမျှ ပြုနိုင်စွမ်းမရှိသောသူများ ဖြစ်ကြ၏။

စင်ကြယ်သူတို့အတွက် အရာအားလုံးသည် စင်ကြယ်၏။ သို့သော် ညစ်ညူး၍ မယုံကြည်သူတို့အတွက် မည်သည့်အရာမျှ မစင်ကြယ်။ အကြောင်းမှာ သူတို့၏ အတွေးအခေါ်နှင့် အသိစိတ်တို့သည် ညစ်ညူးသောကြောင့်ဖြစ်၏။

သူသည် မိမိသင်ယူထားသည့် သစ္စာတရားနှင့်ပြည့်စုံသောသတင်းစကားကို မြဲမြံစွာ စွဲကိုင်ထားရမည်။ သို့မှသာ သူသည် အခြားသူများကို မှန်ကန်သောဩဝါဒဖြင့် အားပေးနိုင်ပြီး ဆန့်ကျင်ပြောဆိုသူတို့ကိုလည်း ချေပနိုင်မည်ဖြစ်၏။

အသင်းတော်ကြီးကြပ်သူသည် ဘုရားရှင်၏ အမှုတော်ကို တာဝန်ယူဆောင်ရွက်ရသူဖြစ်သဖြင့် အပြစ်ဆိုဖွယ်မရှိသူဖြစ်ရမည်။ ဗိုလ်ကျခြယ်လှယ်သူ၊ စိတ်တိုလွယ်သူ၊ သောက်စားမူးယစ်သူ၊ ရန်လိုသူ၊ မသမာနည်းဖြင့် ကိုယ်ကျိုးစီးပွားရှာသူများ မဖြစ်ရ။ ဧည့်ဝတ်ကျေပွန်သူ၊ ကောင်းသောအရာကို မြတ်နိုးသူ၊ မိမိကိုယ်ကိုယ် ချုပ်တည်းသူ၊ ဖြောင့်မတ်သူ၊ မြင့်မြတ်သူ၊ စည်းကမ်းရှိသူဖြစ်ရမည်။

အကြီးအကဲတို့သည် အပြစ်ဆိုဖွယ်မရှိသူ၊ မိမိ၏ဇနီးမယားအပေါ် သစ္စာရှိသောသူဖြစ်ရမည်။ သူတို့၏သားသမီးများသည်လည်း ယုံကြည်သူများဖြစ်ရမည်။ အထိန်းအကွပ်မဲ့သူများ၊ မနာခံသူများဟူသော စွပ်စွဲခံရခြင်းနှင့် ကင်းရမည်။