Popular Bible Verses from Revelation 3

Share

နားထောင်ပါ၊ ငါသည် သင်၏တံခါး၌ရပ်၍ တံခါးကိုခေါက်နေ၏။ ငါ၏အသံကိုကြား၍တံခါးကိုဖွင့်လျှင် ငါသည်အထဲသို့ဝင်လာပြီး သင်နှင့်အတူစားသောက်လိမ့်မည်။

သင်ပြုခဲ့သည့်အမှုများအားလုံးနှင့် သင်ပူသည် အေးသည်အား ငါသိ၏။ သင် ပူခြင်း၊ အေးခြင်း တစ်ခုခုဖြစ်စေရန် ငါဆန္ဒရှိ၏။ သို့သော် သင်သည် အပူမဟုတ် အအေးမဟုတ် နွေးရုံသာရှိသောကြောင့် ငါသည် သင့်ကို ငါ၏ခံတွင်းမှ ထွေးထုတ်တော့မည်။

ငါသည် ငါချစ်သောလူတိုင်းအား ဆုံးမ၍အပြစ်ပေးတတ်၏။ ထို့ကြောင့် သင်၏စိတ်ကိုပြုပြင်၍ နောင်တသံဝေဂရကြလော့။

သင်တို့လုပ်ဆောင်ခဲ့သမျှကို ငါသိ၏။ သင်သည် အားနည်းသော်လည်း ငါ၏သွန်သင်ချက်ကို လိုက်နာ၍ ငါ၏တပည့်တော်ဖြစ်ကြောင်းကို မငြင်းပယ်ခဲ့။ ထို့ကြောင့် သင့်ရှေ့မှာ တံခါးကိုငါဖွင့်ထားပြီ။ ထိုတံခါးကို မည်သူမျှမပိတ်နိုင်။

အောင်နိုင်သူအားလုံးသည် ငါအနိုင်ရရှိစဉ်က ငါ့ခမည်းတော်နှင့်အတူသူ၏ပလ္လင်ပေါ်ငါထိုင်ခဲ့သကဲ့သို့ ငါ၏ပလ္လင်ပေါ်၌ ငါနှင့်အတူထိုင်ရလိမ့်မည်။

သင်က ‘ငါသည် ချမ်းသာကြွယ်ဝသည်ဖြစ်၍ မည်သည့်အရာကိုမျှမလို’ ဟုဆို၏။ သို့သော် သင်သည် စက်ဆုပ်ရွံရှာဖွယ်ကောင်းသူ၊ သနားစရာကောင်းသူ၊ ဆင်းရဲသောသူ၊ မျက်စိမမြင်သောသူ၊ အဝတ်မပါသောသူဖြစ်ကြောင်းကို မသိ။

သင်သည် ငါ၏စကားများအားနာခံ၍ သီးခံလျက်ရှိနေခဲ့၏။ ထို့ကြောင့် ကမ္ဘာတစ်ဝှမ်းလုံးရှိလူများအား စမ်းသပ်မည့်အချိန်၌ သင့်အား ငါကာကွယ်စောင့်ရှောက်မည်။

ငါသည် မကြာမီလာခဲ့မည်ဖြစ်သောကြောင့် သင်၏ဆုလာဒ်အဖြစ်ပေးအပ်ခံခဲ့ရသောသရဖူအား မည်သူမျှမလုယူနိုင်စေရန် သင်၌ရှိသောအရာများကို ခိုင်မြဲစွာဆွဲကိုင်ထားပါလော့။

နိုးထလော့၊ သင်၌ ကျန်ရှိနေသေးသည့် သေလုနီးပါးဖြစ်နေသောသူတို့ကို အင်အားဖြည့်တင်းပေးလော့။ အဘယ်ကြောင့်ဆိုသော် သင်၏လုပ်ဆောင်မှုများသည် ငါ၏ဘုရားရှင်အမြင်၌ မပြည့်စုံသေးကြောင်းကို ငါတွေ့မြင်နေရ၏။