Popular Bible Verses from Revelation 12

Share

ညီအစ်ကိုမောင်နှမတို့သည် ထိုသူကို သိုးသငယ်၏ အသွေးတော်ဖြင့်လည်းကောင်း၊ မိမိတို့သက်သေခံဟောပြောသော နှုတ်ကပတ်တော်ဖြင့်လည်းကောင်း အောင်နိုင်ခဲ့ကြ၏။

ထို့နောက် ရွှေမြို့တော်မှ ကျယ်လောင်သောအသံဖြင့် “ယခုအခါ ငါတို့ဘုရားရှင်၏ ကယ်တင်ခြင်း၊ တန်ခိုးတော်၊ သာသနာတော်နှင့် ခရစ်တော်၏ အခွင့်အာဏာတို့သည် ပေါ်ထွန်းလာပြီ။ ငါတို့ ဘုရားရှင်၏ ရှေ့တော်၌ပင် ငါတို့၏ ညီအစ်ကိုမောင်နှမများကို နေ့ရောညပါ စွပ်စွဲသူသည် ကမ္ဘာမြေပေါ်သို့ ပစ်ချခံရပြီ။

ထိုနဂါးသည် တစ်ကမ္ဘာလုံးကို လှည့်ဖြားသည့် မာရ်နတ်၊ သို့မဟုတ်စာတန်ဟုခေါ်သော ရှေးမြွေဟောင်းဖြစ်ပြီး သူ၏နတ်ဒေဝါများနှင့်အတူ ကမ္ဘာမြေပေါ်သို့ ပစ်ချခံခဲ့ရ၏။

ထို့ကြောင့် ရွှေမြို့တော်နှင့် ရွှေမြို့တော်တွင် စံမြန်းကြကုန်သောသူအပေါင်းတို့ ရွှင်လန်းဝမ်းမြောက်ကြပါလော့။ သို့သော် ဤကမ္ဘာမြေကြီးနှင့် ပင်လယ်တို့သည် အမင်္ဂလာရှိကြ၏။ အဘယ်ကြောင့်ဆိုသော် မာရ်နတ်သည် မိမိ၌အချိန်အနည်းငယ်သာရှိကြောင်းကို သိ၍ ဒေါသကြီးစွာ သင်တို့ထံသို့ ဆင်းလာသောကြောင့်ဖြစ်၏” ဟုပြောသည်ကို ကျွန်ုပ်ကြားရ၏။

ထို့နောက် ရွှေမြို့တော်တွင် စစ်ဖြစ်လေ၏။ မိက္ခေလနှင့် သူ၏နတ်ဒေဝါတို့သည် နဂါးကိုတိုက်ကြ၏။ နဂါးနှင့် သူ၏နတ်ဒေဝါတို့သည် ပြန်လည်တိုက်ခိုက်သော်လည်း

ထိုအခါ နဂါးသည် အမျိုးသမီးအပေါ်ဒေါသထွက်သဖြင့် ကျန်ရှိနေသေးသောထိုအမျိုးသမီး၏ မျိုးဆက်များကို တိုက်ရန် ထွက်ခွာသွား၏။ ထိုမျိုးဆက်များသည် ဘုရားရှင်၏ ပညတ်တော်တို့ကို လိုက်နာသူများယေရှုအကြောင်း သက်သေခံချက်တို့ကို သစ္စာရှိစွာ ထိန်းသိမ်းသူများဖြစ်ကြ၏။

ထို့နောက် မိုးကောင်းကင်၌ နိမိတ်လက္ခဏာကြီးတစ်ခုကို မြင်ရ၏။ အမျိုးသမီးတစ်ဦးသည် နေကိုဝတ်ဆင်၍ လပေါ်တွင်ခြေကိုတင်ကာ ခေါင်းပေါ်၌ ကြယ်ဆယ့်နှစ်လုံးပါသည့် သရဖူကို ဆောင်းထား၏။ ထိုအမျိုးသမီးသည် ကိုယ်ဝန်ဆောင်ဖြစ်ပြီး မီးဖွားတော့မည့်ဝေဒနာကြောင့် အော်ဟစ်နေ၏။

ထိုအမျိုးသမီးသည် လူမျိုးအပေါင်းတို့ကို သံလှံတံဖြင့် အုပ်စိုးမည့် သားယောက်ျားလေးကို မွေးဖွါး၏။ ထိုအမျိုးသမီးသည် တောကန္တာရသို့ ထွက်ပြေးလေ၏။ ထိုတောကန္တာရတွင် သူ့အား ရက်ပေါင်းတစ်ထောင့်နှစ်ရာခြောက်ဆယ်အထိ ပြုစုစောင့်ရှောက်နိုင်ရန် ဘုရားရှင်ပြင်ဆင်ထားတော်မူသောနေရာတစ်ခုရှိ၏။

ထို့နောက် မိုးကောင်းကင်တွင် အခြားနိမိတ်လက္ခဏာတစ်ခု ပေါ်လာပြန်၏။ ဦးခေါင်းခုနစ်လုံး၊ ဦးချိုဆယ်ချောင်းပါရှိသော အနီရောင်နဂါးကြီး တစ်ကောင်သည် ခေါင်းများပေါ်တွင် သရဖူခုနှစ်ခုကို ဆောင်ထား၏။ သူ၏အမြီးသည် ကောင်းကင်မှ ကြယ်သုံးပုံတစ်ပုံကို ကမ္ဘာမြေပေါ်သို့ဆွဲချလိုက်၏။ ထိုနဂါးသည် မီးဖွါးတော့မည့် အမျိုးသမီး၏ရှေ့တွင်ရပ်လျက် မွေးဖွားပြီးသည်နှင့်တစ်ပြိုင်နက် မွေးကင်းစသားငယ်ကို ဝါးမျိုရန်စောင့်နေ၏။

သို့သော် ထိုအမျိုးသမီးသည် တောကန္တာရ၌ မိမိအတွက် ပြင်ဆင်ထားသောနေရာသို့ ပျံသန်းနိုင်ရန် ဘုရားရှင်က သူ့အား လင်းယုန်အတောင်ပံတစ်စုံကို ပေးအပ်တော်မူ၏။ သူသည် နဂါးဘေးရန်မှ လွှတ်၍ ထိုအရပ်၌ သုံးနှစ်ခွဲတိုင်အောင် ပြုစုစောင့်ရှောက်ခြင်းကိုခံရ၏။ ထို့နောက် နဂါးသည် ထိုအမျိုးသမီးကို ရေ၌မျောပါသွားစေရန်အတွက် အမျိုးသမီးနောက်သို့ သူ၏ခံတွင်းမှရေကို မြစ်ရေစီးသကဲ့သို့ မှုတ်ထုတ်လိုက်၏။ သို့သော် မြေကြီးသည် ထိုအမျိုးသမီးကို ကူညီ၍ မိမိ၏ခံတွင်းမှမှုတ်ထုတ်သောရေကို မျိုလိုက်၏။