Popular Bible Verses from Psalms 27

Share

ဘုရားရှင်အား ‌စောင့်မျှော်လော့။ ခွန်အားယူ၍ သင်၏စိတ်နှလုံးကို ရဲရင့်စေလော့။ ဘုရားရှင်အား စောင့်မျှော်လော့။

ဘုရှင်အား အကျွန်ုပ်တောင်းလျှောက်လိုသောဆု၊ အကျွန်ုပ်လိုချင်တောင့်တသောဆု တစ်ခုတည်းရှိ၏။ ထိုဆုသည်ကား ဘုရားရှင်၏အိမ်တော်တွင် အကျွန်ုပ်၏ ဘဝတစ်သက်သာလုံးနေထိုင်ရ၍ ကျေးဇူးတော်ကိုချီးမွမ်းကာ ကိုယ်တော်၏လမ်းပြမှုကို တောင်းခံနိုင်သော အခွင့်ပင်ဖြစ်၏။

ဘုရားရှင်သည် အကျွန်ုပ်၏အလင်း၊ အကျွန်ုပ်အား ကယ်တင်တော်မူသောအရှင်ဖြစ်ပါ၏။ အကျွန်ုပ်သည် မည်သူ့ကိုကြောက်ရွံ့ရမည်နည်း။ ဘုရားရှင်သည် အကျွန်ုပ်အား ဘေးအန္တရာယ်အပေါင်းမှ ကာကွယ်စောင့်ရှောက်တော်မူသည့်အတွက် အကျွန်ုသည် ‌မည်သူ့ကိုမျှ ကြောက်ရွံ့လိမ့်မည်မဟုတ်။

အမှန်စင်စစ် အသက်ရှင်သောသူတို့၏တိုင်းပြည်၌ ဘုရားရှင်၏ကောင်းမြတ်ခြင်းကို တွေ့မြင်ရမည်ဟု အကျွန်ုပ်ယုံကြည်စိတ်ချပါ၏။

အကြောင်းမူကား အကျွန်ုပ်ဒုက္ခရောက်သောနေ့၌ ကိုယ်တော်သည် မိမိကိန်းဝပ်ရာအရပ်၌ အကျွန်ုပ်အား ဝှက်ထားတော်မူလိမ့်မည်။ ကိုယ်တော်၏ တဲတော်ရှိသည့် ကွယ်ကာရာအရပ်၌ အကျွန်ုပ်ကို ဖုံးကွယ်ထား၍ ကျောက်ဆောင်ပေါ်သို့ အကျွန်ုပ်အား ဆွဲတင်တော်မူလိမ့်မည်။