Popular Bible Verses from Psalms 119

Share

ကိုယ်တော်၏ နှုတ်ကပတ်တော်သည် အကျွန်ုပ်၏ခြေအတွက် မီးခွက်ဖြစ်ပြီး အကျွန်ုပ်၏လမ်းခရီးအတွက် အလင်းဖြစ်ပါ၏။

ကိုယ်တော်ကို မပြစ်မှားမိစေရန် ကိုယ်တော်၏ မိန့်တော်မူချက်ကို အကျွန်ုပ်၏ စိတ်နှလုံး၌ သိုမှီးထားပါပြီ။

လူငယ်သည် မိမိ၏ဘဝလမ်းကြောင်းကို မည်ကဲ့သို့ သန့်ရှင်းစင်ကြယ်စေနိုင်ပါမည်နည်း ဆိုသည်ကို ကိုယ်တော်၏ နှုတ်ကပတ်တရားတောင်အတိုင်း စောင်းထိန်းရမည်သာဖြစ်၏။

ကိုယ်တော် သက်သေခံချက်တို့ကို လိုက်နာကျင့်သုံး၍ ကိုယ်တော်ကို စိတ်နှလုံးအကြွင်းမဲ့ရှာသောသူတို့သည် မင်္ဂလာရှိကြ၏။

ကိုယ်တော်သည် အကျွန်ုပ်၏ကွယ်ကာရာ၊ အကွန်ုပ်၏ဒိုင်းလွှားဖြစ်တော်မူ၏။ အကျွန်ုပ်သည် ကိုယ်တော်၏နှုတ်ကပတ်တော်ကို မျှော်လင့်ကိုးစားပါ၏။

အကျွန်ုပ်အား အသိညဏ်ပေးတော်မူပါ။ အကျွန်ုပ်သည် ကိုယ်တော်၏တရားတော်ကို လိုက်နာကျင့်သုံးပါမည်။ ထိုအရာကို စိတ်နှလုံးအကြွင်းမဲ့ စောင့်ထိန်းပါမည်။

ကျွန်ုပ်၏စိတ်နှလုံးကို မတရားသောအကျိုးစီးပွားဘက်သို့မဟုတ်ဘဲ ကိုယ်တော်၏ သက်သေခံချက်များဘက်သို့ တိမ်းညွတ်စေတော်မူပါ။

ဒုက္ခဝေဒနာခံစားရခြင်းသည် အကျွန်ုပ်အတွက်ကောင်းပါ၏။ သို့မှကိုယ်တော်၏ပြဠာန်းချက်တို့ကို အကျွန်ုပ်သင်ယူနိုင်မည်။

ကိုယ်တော်၏ကတိတော်သည် အကျွန်ုပ်ကိုအသက်ရှင်စေသည်ဖြစ်၍ အကျွန်ုပ်အတွက်နှစ်သိမ့်စရာအကြောင်းဖြစ်ပါ၏။

အကျွန်ုပ်သည် ကိုယ်တော်၏ ပညတ်တော်လမ်းကို နှစ်သက်သည် ဖြစ်၍ထိုလမ်း၌ အကျွန်ုပ်ကို ဦးဆောင်လမ်းပြတော်မူပါ။

အို... ဘုရားရှင်၊ ကိုယ်တော်၏ပြဠာန်းချက်လမ်းကို အကျွန်ုပ်အား သွန်သင်ပြသတော်မူပါ။ အကျွန်ုပ်သည် ၎င်းကို အဆုံးထိတိုင်လိုက်နာကျင့်သုံးပါမည်။

အကျွန်ုပ်တို့၏စိတ်ဝိညာဉ်သည် ပူဆွေးခြင်းကြောင့် ငိုယိုလျက်ရှိပါ၏။ ကိုယ်တော်၏ နှုတ်ကပတ်တော်နှင့် အညီအကျွန်ုပ်ကို အားဖြည့်ပေးတော်မူပါ။

အကျွန်ုပ်သည် ကိုယ်တော်၏ တရားတော်ကို အလွန်မြတ်နိုးပါ၏။ ထိုတရားတော်သည် တစ်နေ့လုံး အကျွန်ုပ်ဆင်ခြင်အောက်မေ့စရာဖြစ်ပါ၏။