Popular Bible Verses from Philippians 4

Share

မည်သည့်အရာကိုမျှမစိုးရိမ်ကြနှင့်။ သင်တို့သည် ခပ်သိမ်းသောအမှုတို့တွင်ကျေးဇူးတော်ကိုချီးမွမ်း၍ ဆုတောင်းမှုပြုလျက်သင်တို့လိုသောအရာများကိုဘုရားရှင်ထံ၌ လျှောက်တင်ကြလော့။

ရလာဒ်အနေဖြင့် လူတို့နားလည်နိုင်စွမ်းထက်သာလွန်သောငြိမ်သက်ခြင်းကို သင်တို့အား ဘုရားရှင်သည် ပေးအပ်တော်မူလိမ့်မည်ဖြစ်သည်။

နောက်ဆုံးအနေဖြင့် ညီအစ်ကိုမောင်နှမတို့၊ မှန်ကန်သောအရာ၊ ဂုဏ်သရေရှိသောအရာ၊ ဖြေင့်မတ်သောအရာ၊ ဖြူစင်သောအရာ၊ နှစ်သက်ဖွယ်ကောင်းသောအရာ၊ ဂုဏ်သရေရှိသောအရာတည်းဟူသော ကောင်းမြတ်၍ချီးမွမ်းဖွယ်ကောင်းသောအရာတို့ကိုသာ နှလုံးသွင်းကြ‌လော့။

အကျွန်ုပ်ကိုယေရှုခရစ်တော်ပေးသောခွန်အားများဖြင့် ထိုအခြေအနေအားလုံးကို အကျွန်ုပ်ရန်ဆိုင်နိုင်စွမ်းရှိ ပါသည်။

အရှင့်ကြောင့် အချိန်တိုင်းဝမ်းမြောက်ပျော်ရွှင်ကြလော့။ ထပ်မံ၍အကျွန်ုပ်ပြောမည်ကား ဝမ်းမြောက်ပျော်ရွှင်ကြလော့။

အကျွန်ုပ်၏ဘုရားရှင်သည် မိမိ၏ကြွယ်ဝချမ်းသာမှုများမှ ယေရှုခရစ်တော်အားဖြင့် သင်တို့လိုအပ်သည်များ အားလုံးကိုပေးအပ်တော်မူလိမ့်မည်ဖြစ်သည်။

အကျွန်ုပ်ထံမှ သင်တို့သင်ယူကြားနာခဲ့ရသောအရာများကို ကျင့်ကြံကြလော့။ ရလာဒ်အနေဖြင့် ဘုရားရှင်သည် သင်တို့အားငြိမ်သက်ခြင်းကိုပေးမည်ဖြစ်ပြီး ငြိမ်သက်ခြင်းသည်လည်းသင်နှင့်အတူရှိလိမ့်မည်ဖြစ်သည်။

သင်တို့၏နူးညံ့သိမ်မွေ့သောစိတ်သဘောကို လူအပေါင်းတို့အားမြင်စေကြလော့။ အရှင်ကြွလာတော်မူမည့်အချိန်သည်နီးကပ်နေပြီဖြစ်သည်။

လိုအပ်ချက်ရှိခြင်းကိုအကျွန်ုပ်သိသည်ဖြစ်ပြီး ကြွယ်ဝခြင်းကိုလည်းအကျွန်ုပ်သိသည်။ ဆာလောင်မွတ်သိပ်သည်ဖြစ်စေ၊ ဝလင်စွာစားသုံးရသည်ဖြစ်စေ အခြေအနေမျိုးအားလုံးကိုကြုံတွေ့ရလျှင်လည်း အကျွန်ုပ်သည်ကျေနပ်ရောင့်ရဲတတ်ရန်သင်ယူခဲ့ပြီးဖြစ်သည်။

ဤသို့ပြောရခြင်းမှာ အကျွန်ုပ်သည် လိုအပ်ချက်များရှိနေသောကြောင့်မဟုတ်ပေ။ အဘယ်ကြောင့်ဆိုသော် အကျွန်ုပ်သည် မည်သည့်အခြေအနေတွင်မဆို ကျေနပ်ရောင့်ရဲတတ်အောင်သင်ယူခဲ့ပြီးသားဖြစ်သောကြောင့်ဖြစ်သည်။