Popular Bible Verses from မဿဲ 28

Share

.သင်တို့သည် တိုင်းနိုင်ငံအားလုံးမှလူတို့ထံသွား၍ ဘုရားတပည့်တော်များဖြစ်လာစေရန် ပြုကြပါ၊ သူတို့အား အဖဘုရား၊ သားတော်ယေရှုနှင့် ဉာဏ်အလင်တော်ဘုရားတို့၏ နာမတော်ဖြင့် ဗတ္တိဇံရေနစ်မင်္ဂလာကို ပြုပေးကြပါ။ သင်တို့အား ငါသွန်သင်တော်မူသကဲ့သို့ သင်တို့လည်း အခြားသူများကို သွန်သင်ကြပါ။ ငါသည် ဤကပ်ကမ္ဘာ ကုန်ဆုံးသည့်အချိန်အထိ သင်တို့နှင့်အတူ အစဉ်အမြဲရှိနေပါမည်’ဟု မိန့်တော်မူလေသည်။

ထိုအခါ ကိုယ်တော်က သူတို့ထံသို့ ချဉ်းကပ်၍ “ရွှေမြို့တော်နှင့်ကမ္ဘာမြေပေါ်တွင်ရှိသမျှသော အခွင့်အာဏာတို့အား ငါ့ကိုပေးအပ်တော်မူလေပြီ။

ထိုအခါ နတ်ဒေဝါက အမျိုးသမီးတို့အား “မကြောက်ကြနှင့်။ သင်တို့သည် လက်ဝါးကပ်တိုင်ပေါ်တွင်တင်ခံရသည့် ယေရှုကို ရှာနေကြတယ်ဆိုသည်ကို အကျွန်ုပ်သိပါ၏။ သူသည် ဤနေရာတွင်မရှိတော့ပေ။ အကြောင်းမူကား ကိုယ်တော်သည် သူမိန့်မှာထားခဲ့သည့်အတိုင်း အသက်ပြန်ရှင်သွားသည့်အတွက်ကြောင့်ပင်ဖြစ်၏။ ကိုယ်တော် လှဲလျောင်းတော်မူခဲ့သည့် နေရာအား လာကြည့်ကြလော့။

ထို့နောက် ကိုယ်တော်ယေရှုသည် သူတို့အား “မကြောက်ကြနှင့်။ တပည့်တော်တို့အား ဂါလိလဲပြည်သို့သွားရန် သွားပြောကြလော့။ ထိုအရပ်၌ သူတို့သည် ငါအားတွေ့ကြရလိမ့်မည်” ဟုမိန့်မှာတော်မူ၏။

.ထို့ကြောင့် ဘာသာရေးဂိုဏ်ချုပ်ကြီးများသည် လူမျိုးခေါင်းဆောင်များနှင့် တွေ့ဆုံတိုင်ပင်ကြပြီး တပ်သားများအားငွေအမြောက်အများ လာဘ်ပေးရန်ဆုံးဖြတ်ကြလေသည်။ .သူတို့သည် တပ်သားများအား ‘သင်တို့အိပ်ပျော်နေစဉ် ကိုယ်တော်ယေရှု၏ ရုပ်ကလာပ်ကို သူ့တပည့်တွေလာခိုးသွားတယ်လို့ လူတိုင်းကိုပြောပါ။ တကယ်လို့ ထိုသတင်းကို ဘုရင်ခံမင်းကြားသိလျှင်လည်း သင်တို့အတွက် ငါတို့ရှင်းပြပေးမယ်။ ဒီကိစ္စနှင့်ပက်သက်လို့ သင်တို့ဘာမှမပူပါနှင့်’ ဟုမှာကြားလိုက်လေသည်။ .တပ်သားတို့သည်လည်း ငွေများကိုယူ၍ သူတို့စေခိုင်းသည့်အတိုင်း ပြောကြလေသည်။ ထိုသတင်းပုံပြင်ကို ယုဒအမျိုးသားတို့သည် ယခုတိုင်အောင် အခြားသူများအား ပြောပြလျက်ရှိနေကြသည်။