Popular Bible Verses from မဿဲ 24

Share

မတရားမှုများပို၍များပြားလာသည့်အတွက် လူတို့သည်လည်း ချစ်ခြင်းမေတ္တာများ ကင်းမဲ့လာလိမ့်မည်ဖြစ်၏။ သို့သော် ထိုကာလများအား အဆုံးထိခံနိုင်ရည် ရှိကြသူတို့သည် ကယ်တင်ခြင်းခံရမည်ဖြစ်၏။

ဘုရားရှင်၏သာသနာတော်နှင့်သက်ဆိုင်သော ဤမင်္ဂလာသတင်းကောင်းကို လူမျိုးတကာတို့ထံ သက်သေဖြစ်မည့်အကြောင်း ကမ္ဘာမြေတဝှမ်းလုံးတွင် ဟောပြောကြလိမ့်မည်။ ထို့နောက်တွင် ဤကမ္ဘာကြီး၏ အဆုံးသတ်သည် ရောက်ရှိလာကြလိမ့်မည်ဖြစ်၏။

စစ်ဖြစ်တဲ့သတင်းတွေ၊ စစ်ဖြစ်တော့မယ်ဆိုတဲ့သတင်းတွေ ကြားရလိမ့်မည်။ သင်တို့ဒါတွေကိုမကြောက်ကြပါနှင့်။ ဒီအကြောင်းအရာတွေဟာ ပထမနိမိတ်ဖြစ်သည်။ နောက်ဆုံးတော့မဟုတ်သေးပါ။

အဘယ်ကြောင့်ဆိုသော် လူမျိုးတစ်မျိုးနှင့်တစ်မျိုး နိုင်ငံတစ်နိုင်ငံနှင့်တစ်နိုင်ငံ ဆန့်ကျင်၍ ရန်ဘက်များဖြစ်လာကြလိမ့်မည်။ အရပ်ဒေသတိုင်းတွင်လည်း ငတ်မွတ်ခေါင်းပါးခြင်းများ ကပ်ရောဂါဘေးကျရောက်ခြင်းများနှင့် မြေငလျင်လှုပ်ခြင်းများ ကျရောက်လာလိမ့်မည်ဖြစ်၏။ သို့သော် ထိုကျရောက်လာမည့် ဒုက္ခဆင်းရဲများသည် မီးဖွားမည့်အမျိုးသမီးတစ်ယောက်၏ နာကြင်ခံစားရခြင်းကဲ့သို့ အစပင်ရှိပါသေး၏။

.ကောင်းကင်နှင့်မြေကြီးမတည်မြဲသော်လည်း ငါ၏ဗျာဒိတ်ကား တည်မြဲလတ္တံ။

အကြောင်းမူကား များစွာသောသူတို့သည် ငါသည် မေရှိယဖြစ်၏ဟု လူတို့အားပြောဆို၍ လှည့်ဖြားကြလိမ့်မည်။

နောက်ပိုင်းတွင် သင်တို့အား နှိပ်စက်ညဉ်းပန်း၍ အပ်နှံကြလိမ့်မည်။ ငါ၏အမည်နာမကြောင့်နှင့် လူမျိုးအပေါင်းတို့သည် သင်တို့အား မုန်းတီးကြလိမ့်မည်။ ထိုအချိန်တွင် လူအများသည် ယုံကြည်မှုမရှိတော့ပဲ အချင်းချင်း သစ္စာဖေါက်ကြလိမ့်မည်။ တစ်ယောက်ကိုတစ်ယောက် မုန်းတီးလာကြလိမ့်မည်။ ထို့နောက် အရိယာသူတော်စင် အတုအယောင်များသည်လည်း ပေါ်ပေါက်လာပြီး လူတို့အား လိမ်လည်လှည့်ဖြားကြလိမ့်မည်။

ထိုအခါ ကိုယ်တော်ယေရှုက မည်သူကမျှ လှည့်စားခြင်းမခံရစေရန် သတိထားကြလော့။

.အမြဲတမ်းအသင့်ပြင်ထားကြပါ။ သင်တို့မသိလိုက်ဘဲ လူ့သားတော်ကြွလာတော်မူလာပါလိမ့်မည်။

.ထို့ကြောင့်သတိထား စောင့်ကြည့်ပါ၊ သင်၏သခင်မည်သည့်အချိန်တွင်ကြွလာတော်မူမည်ကို သင်သိလိမ့်မည်မဟုတ်။

သို့သော် ထိုအချိန် ထိုနာရီတို့အား မည်သူမျှသိမည်မဟုတ်။ သားတော်နှင့် နတ်ဒေဝါများပင် မသိကြပေ။ ငါ၏အဖဘုရားရှင် တစ်ပါးတည်းကပင် သိနိုင်မည်ဖြစ်၏။

အဘယ်ကြောင့်ဆိုသော် မေရှိယအတုအယောင်များနှင့် အရိယာသူတော်စင်တုအယောင်များသည် ပေါ်ပေါက်လာကြလိမ့်မည်ဖြစ်၏။ ဖြစ်နိုင်မည်ဆိုပါက သူတို့သည် ဘုရားရှင်ရွေးကောက်တော်မူထားသောလူများကိုပင် လှည့်ဖြားရန် ကြီးမားသည့် နိမိတ်လက္ခဏာများနှင့် အံဖွယ်အရာများကို လုပ်ဆောင်ပြကြလိမ့်မည်။

လူ့သားတော်ကြွလာသောအခါ နောဧလက်ထက်က ဖြစ်ပျက်သကဲ့သို့ ဖြစ်ပျက်ကြလိမ့်မည်။ .လူတို့သည် စားမြဲ၊သောက်မြဲ၊မင်္ဂလာပွဲဆင်နွဲဆဲတွင် ရေလွှမ်းမိုးလာသောအခါ နောဧတို့သည် ကြီးမားသောလှေကြီးထဲသို့ ဝင်ရောက်သွားပြီဖြစ်လေသည်။ .သူတို့သည်အဖြစ်အပျက်များကို ဘာတစ်ခုမှမသိလိုက်ရဘဲ ရေလွှမ်းမိုးခြင်းခံလိုက်ရပြီး လူခပ်သိမ်းတို့အား သုတ်သင်ဖယ်ရှားလိုက်လေသည်။ လူ့သားတော်ပေါ်ထွန်းလာသည့်အချိန်တွင် ထိုကဲ့သို့ဖြစ်ပျက်လာလိမ့်မည်။