Popular Bible Verses from ယောဟန် 21

Share

ထိုသို့ နံနက်စာကို သူတို့စားပြီးကြသောအခါ ကိုယ်တော်သည် ရှိမုန်ပေတရုအား “ယောဟန်၏သားရှိမုန်၊ သင်သည် တခြားသူများငါ့ကိုချစ်ခင်သည်ထက် သာ၍ချစ်ခင်သလော” မေးလျှင် ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။ ကိုယ်တော်သည်လည်း “သို့ဖြစ်လျှင် သိုးသငယ်များကဲ့သို့သော ငါ၏တပည့်တော်တို့ကို စောင့်ရှောက်လော့” ဟု မိန့်တော်မူ၏။ တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” ဟုဒုတိယအကြိမ်မေးတော်မူလျှင် ပေတရုသည် “ဟုတ်ပါ၏၊ ကိုယ်တော်။ အကျွန်ုပ်သည် ကိုယ်တော်ကို ချစ်ခင်ကြောင်း ကိုယ်တော်သိပါ၏” ဟုလျှောက်လေ၏။ ကိုယ်တော်သည်လည်း “ငါ၏သိုးတို့ကို အုပ်ထိန်းလော့” ဟု မိန့်တော်မူ၏။ နောက်တဖန် ကိုယ်တော်သည် “ယောဟန်၏သားရှိမုန်၊ သင်သည် ငါ့ကိုချစ်ခင်သလော” တတိယအကြိမ်မေးတော်မူသောကြောင့် ပေတရုသည် စိတ်မကောင်းဖြစ်၍ “ကိုယ်တော်သည် အရာခပ်သိမ်းကို သိမြင်သောသူဖြစ်ပါ၏။ အကျွန်ုပ်သည် ကိုယ်တော်ကို ချစ်ခင်သည်ဆိုသည်ကိုလည်း ကိုယ်တော်သိပါ၏” ဟုလျှောက်လေ၏။ ထိုအခါ ကိုယ်တော်သည်လည်း “ငါ၏သိုးတို့ကို ကျွေးမွေးလော့။

သင့်အား ငါအမှန်ဆိုသည်ကား သင်သည် ငယ်ရွယ်စဉ်၌ မိမိအဝတ်ကို မိမိကိုယ်တိုင် ဝတ်ဆင်၍ သွားလိုသောအရပ်သို့ သွားလေ့ရှိ၏။ သို့သော် အိုမင်းလာသောအချိန်၌မူကား သင်သည် သင်၏လက်နှစ်ဖက်ကို ဆန့်၍ အခြားသူမှ အဝတ်ဆင်မြန်းပေးခြင်းကို ခံရ၍ သင်မသွားလိုသောအရပ်သို့ ခေါ်ယူခြင်းကိုခံရမည်” ဟု မိန့်တော်မူ၏။

ထိုအခါ ကိုယ်တော်သည် “ငါးဖမ်းပိုက်ကို လှေ၏ညာဖက်၌ ချကြလော့။ ထိုသို့ပြုလျှင် မိကြလိမ့်မည်” ဟုဆိုသဖြင့် သူတို့လည်း ပိုက်ကွန်ကို ချကြရာ ငါးအကောင်ရေများပြားစွာမိသဖြင့် ပိုက်ကိုပင် ဆွဲတင်၍မရနိုင်ဖြစ်နေကြ၏။

ရှိမုန်ပေတရုသည် “အကျွန်ုပ် ငါးဖမ်းသွားဦးမည်” ဟုဆိုသဖြင့် အခြားသူတို့သည်လည်း “အကျွန်ုပ်တို့လည်း လိုက်မည်” ဟုဆိုကာ ထွက်သွားကြပြီး လှေပေါ်တက်ကြကာ ငါးဖမ်းကြသော်လည်း ထိုညတစ်ညလုံး ငါးတစ်ကောင်မျှပင် မမိကြပေ။