Popular Bible Verses from James 4

Share

ထို့ကြောင့် ဘုရားရှင်အား နာခံကြလော့။ မာရ်နတ်အလိုရှိသည့်အတိုင်း မပြုလုပ်ကြနှင့်။ ထိုသို့ဆိုလျှင် မာရ်နတ်သည် သင်တို့ထံမှ ထွက်ပြေးသွားပါလိမ့်မည်။

ဘုရားရှင်ကိုဆည်းကပ်လျှင် ဘုရားရှင်ကလည်း သင့်ထံသို့ ချည်းကပ်လာပါလိမ့်မည်။ အပြစ်သားတို့ သင်တို့လက်များကို ဆေးကြောကြလော့။ စိတ်နှစ်ခွရှိသောသူတို့၊ သင်တို့၏စိတ်နှလုံးသားတို့အား သန့်ရှင်းစင်ကြယ်စေကြပါ။

အရှင်၏ရှေ့တော်မှောက်တွင် မိမိကိုယ်ကို နှိမ့်ချကျိုးနွံကြပါ။ ထိုသို့ နှိမ့်ချကျိုးနွံလျှင် အရှင်သည် သင်တို့အား ချီးမြှောက်တော်မူလိမ့်မည်။

သို့သော် ကိုယ်တော်သည် ကျွန်ုပ်တို့အား ကြီးမြတ်သောကျေးဇူးကို ပေးတော်မူသည်။ ထိုကြောင့် “ဘုရားရှင်သည် ဂုဏ်မောက်မာသောသူများကို ဆန့်ကျင်သည်။ နှိမ့်ချသောသူများအား ကူညီမစတော်မူသည်။ "ဟူ၍ ဖော်ပြထားလေသည်။

ထို့ကြောင့် ကောင်းမှုအား လုပ်ဆောင်သင့်ကြောင်းကို သိလျက်နှင့် မလုပ်ဆောင်သောသူသည် အပြစ်ရှိသည်။

တောင်းလျှောက်လျှင်လည်း သင်တို့အပျော်အပါးလိုက်စားရန်အတွက် လွဲမှားစွာ တောင်းလျှောက်သောကြောင့် မရကြပေ။

ဖောက်ပြန်တတ်သောသူတို့၊ လောကနှင့် မိတ်ဖွဲ့သောသူတို့သည် ဘုရားရှင်အား ရန်ဘက်ပြုသူများဖြစ်ကြောင်း သင်တို့နားမလည်ကြသလော။ ထို့ကြောင့် လောကနှင့်မိတ်ဆွေဖြစ်သောသူသည် ဘုရားရှင်၏ရန်သူဖြစ်သည်။

သင်တို့သည် မနက်ဖြန်၌ မည်သို့ဖြစ်မည်ကိုပင် မသိကြသေးပေ။ သင်တို့၏အသက်သည် မည်သို့သောအရာဖြစ်သနည်း။ သင်တို့သည် ခေတ္တမျှပေါ်လာပြီး ပျောက်ကွယ်တတ်သော အခိုးအငွေ့ဖြစ်ကြသည်။