Popular Bible Verses from Ephesians 5

Share

သင်တို့သည် ဘုရားရှင်ချစ်ခင်တော်မူသောသားသမီးများဖြစ်ကြသည့်အလျောက် ဘုရားရှင်ကို အတုယူကြလော့။ ယေရှုခရစ်တော်သည် အကျွန်ုပ်တို့ကိုချစ်ခင်တော်မူ၍ အကျွန်ုပ်တို့အတွက် မိမိကိုယ်ကိုမွှေးကြိုင်သော ပူဇော်စရာအဖြစ် ဘုရားရှင်ထံသို့ဆက်သတော်မူသကဲ့သို့ သင်တို့သည်လည်းမေတ္တာတရားကိုကျင့်သုံးကြလော့။

ထို့ကြောင့် သင်တို့သည်မည်ကဲ့သို့အသက်ရှင်နေထိုင်နေသည်ကို သတိပြုကြလော့။ ပညာမဲ့သူကဲ့သို့ မဟုတ်ဘဲ ပညာရှိကဲ့သို့ပြုမူနေထိုင်ကြလော့။ ဤနေ့ရက်ကာလသည်ဆိုးယုတ်သောကာလဖြစ်သောကြောင့် သင်တို့ရရှိသည့်အခွင့်အရေးရှိသမျှတို့ကိုအကျိုးရှိအောင်အသုံးပြုကြလော့။

သင်တို့အားပျက်စီးစေသောသောက်စားမူးယစ်ခြင်းကိုရှောင်ကြဉ်၍ သင်တို့၏ဘဝကို ဉာဏ်လင်းတော်နှင့် ပြည့်ဝစေလော့။ ဆာလံသီချင်းများ၊ ဓမ္မသီချင်းများနှင့် ဝိညာဉ်ရေးဆိုင်ရာသီချင်းများကို အချင်းချင်းသီဆိုကြလျှင်လည်း ဘုရားရှင်အတွက် သင်တို့၏စိတ်နှလုံးထဲမှသီဆိုကြလော့။ အရာခပ်သိမ်းအတွက် အကျွန်ုပ်တို့၏အရှင်ဖြစ်သောယေရှုခရစ်တော်နာမတော်ဖြင့် အဖဘုရားရှင်အား အစဉ်အမြဲကျေးဇူးတင်ကြလော့။

ထို့ကြောင့်သင်တို့သည်မိုက်မဲ၍မနေဘဲ ဘုရားရှင်၏အလိုတော်ကိုကြိုးစား၍ရှာဖွေကြလော့။

ခင်ပွန်းသည်တို့ ယေရှုခရစ်တော်သည် အသင်းတော်ကိုချစ်တော်မူ၍ အသင်းတော်အတွက်မိမိ၏အသက် ကိုစွန့်တော်မူသကဲ့သို့ သင်တို့၏ဇနီးမယားကိုချစ်ကြလော့။

တစ်ချိန်ကသင်တို့သည် မှောင်မိုက်တွင် နေထိုင်ခဲ့ကြသော်လည်း ယခုအခါ၌ ဘုရားရှင်၏အလင်းတော်၌ နေထိုင်နေကြပြီဖြစ်သည်။ ထို့ကြောင့်အလင်းတွင်နေထိုင်ကြသောသားသမီးမျးကဲ့သို့ပြုမူနေထိုင်ကြလော့။

ယေရှုခရစ်တော်အားရိုသေသောစိတ်ဖြင့် အချင်းချင်းနာခံကြလော့။

ဇနီးမယားတို့၊ အရှင့်ကိုနာခံသကဲ့သို့ မိမိ၏ခင်ပွန်းသည်ကိုနာခံကြလော့။

မည်သို့ပင်ဆိုစေ ခင်ပွန်းသည် မိမိကိုယ်ကိုချစ်သကဲ့သို့ မိမိ၏ဇနီးမယားကိုလည်းချစ်မြတ်နိုးကြလော့။ ဇနီးမယားတို့သည်လည်း မိမိခင်ပွန်းသည်ကိုရိုသေကြလာ့။

ထို့ကြောင့် ကျမ်းစာတွင် “ဤအကြောင်းကြောင့် ခင်ပွန်းဖြစ်သူသည် သူ၏မိဘထံမှထွက်ခွာ၍ ဇနီးမယားနှင့် ပေါင်းဖက်သဖြင့် သူတို့နှစ်ဦးသည် တစ်သားတည်းဖြစ်ကြလိမ့်မည်” ဟုရေးသားထားခြင်းဖြစ်သည်။

အကျိုးမရှိသော မှောင်မိုက်သည့်အမှုကိစ္စတို့ပြုလုပ်ခြင်းတွင်မပါဝင်ဘဲ ၎င်းတို့၏အပြစ်များကိုဖော်ထုတ်ကြ လော့။