Popular Bible Verses from 2 Thessalonians 2

Share

မည်သူမျှ သင်တို့ကို မည်သည့်နည်းနှင့်မျှမလှည့်ဖြားစေနှင့်။ အကြောင်းမူကား ဆန့်ကျင်ပုန်ကန်မှုဖြစ်ပြီး ပျက်စီးခြင်း၏သားတည်းဟူသော တရားမဲ့သောသူ မပေါ်ပေါက်မီအချိန်အထိ ထိုနေ့ရက်သည် ကျရောက်လာမည် မဟုတ်ပေ။

အရှင်ချစ်တော်မူသော ညီအစ်ကိုမောင်နှမတို့၊ ကျွန်ုပ်တို့သည် သင်တို့အတွက် ဘုရားရှင်ကို အစဉ်အမြဲကျေးဇူးတင် သင့်၏။ အဘယ်ကြောင့်ဆိုသော် သင်တို့သည် ဉာဏ်အလင်းတော်၏ မြင့်မြတ်သန့်ရှင်းစေခြင်းနှင့် သမ္မာတရားကို ယုံကြည်ခြင်းအားဖြင့် ကယ်တင်ခံရရန် ဘုရားရှင် ‌ရှေးကတည်းကပင် ရွေးချယ်ထားသောကြောင့်ဖြစ်၏။

ထိုသူသည် ဘုရားဟူ၍လည်းကောင်း၊ လူတို့ ကိုးကွယ်ကြသော အရာဟူ၍လည်းကောင်း ခေါ်ဝေါ်ကြသောအရာအားလုံးကို ဆန့်ကျင်လျက် မိမိကိုယ်ကိုယ် ချီးမြှောက်ကာ ဘုရားရှင်၏ ဗိမာန်တော်တွင် ထိုင်လျက် မိမိကိုယ်ကိုယ် ဘုရားရှင်ဖြစ်ကြောင်း ကြွေးကြော်လိမ့်မည်။

ကျွန်ုပ်တို့ကို ချစ်၍ ကျေးဇူးတော်ဖြင့် ထာဝရနှစ်သိမ့်ခြင်းနှင့် ကောင်းမြတ်သောမျှော်လင့်ခြင်းတို့ကို ပေးသနားတော်မူသော ကျွန်ုပ်တို့၏အဖဘုရားရှင်နှင့် ကျွန်ုပ်တို့၏အရှင်ဖြစ်သောယေရှုခရစ်တော်ကိုယ်တိုင်သည် သင်တို့၏ စိတ်နှလုံးကို နှစ်သိမ့်ပေးပြီး ကောင်းမြတ်သောစကားနှင့် ကောင်းမြတ်သောအမှုအမျိုးမျိုးတို့၌ ခွန်အားပေးတော်မူပါစေသော။

ထိုအကြောင်းကြောင့် ဘုရားရှင်သည် သူတို့ကို လှည့်ဖြားခံစေတော်မူမည်ဖြစ်ပြီး သူတို့သည်လည်း ထိုလိမ်လည်မှုကို ယုံကြည်ကြလိမ့်မည်။

ထိုတရားမဲ့သူသည် မာရ်နတ်၏ တန်ခိုးဖြင့် ရောက်လာမည်ဖြစ်ပြီး အတုအယောင်အံ့ဖွယ်အမှုများ၊ နိမိတ်လက္ခဏာနှင့် အံ့ဩဖွယ်ရာများကို ပြလိမ့်မည်။ ထို့နောက် ပျက်စီးတော့မည့်သူတို့ကို မကောင်းသော နည်းအမျိုးမျိုးဖြင့် လှည့်ဖြားလိမ့်မည်။ ထိုသူတို့သည်ကယ်တင်ခြင်းရနိုင်ရန် သမ္မာတရားတော်ကိုနှစ်သက်လက်ခံမှုမရှိ ကြသောကြောင့်ပျက်စီးမည်ဖြစ်သည်။

အကြောင်းမူကား ထိုတရားမဲ့ခြင်းနှင့်ဆိုင်သည့် လျှို့ဝှက်သောတန်ခိုးသည် လှုပ်ရှားနေပြီဖြစ်၏။ သို့သော်လည်း တားဆီးသူသည် ဖယ်ရှားခံရချိန် မရောက်မီအထိ တားဆီးနေလိမ့်မည်။