Popular Bible Verses from Luke 4

အဲမိုနော့ ဘုရားရှင်ရဲ့ ဝိဉာဉ်တော်က ငါ့ကိုယ်တော်အပေါ် တည်းရှိရယ် ဟဲမျိုကြော့နူးဆိုဝါ ပန်ပန်း ဆင်းရဲသူဒေဂို မင်္ဂလာဒမ်းကွန်း ပြောဝို့အတွတ် ငါကိုယ်တော်ဂို ရွေးချယ်တာဖြစ်ရယ် စစ်သုံးပန်းဒေဂို လွတ်လတ်ရေးကြော်ညာပေးပီး မျက်မမြင်ဒေကို မျက်စိအလင်း ပြန်ရစေဝို၊ ညှင်းပန်းနှိစက်ခံရသူဒေဝို ကယ်တင်နိုင်ဝို့ ဖြစ်ရယ် ဘုရားရှင်ရဲ့ ကျေးဇူတော် အခိရော့ပီးလို ပြောဝိုတွတ် ငါကိုယ်တော်ဂို လွတ်လိုက်ဇာ ဖြစ်ရယ်

ကိုယ်တော်ယေရှုက '' ကျမ်းစာမှာက'' သင်တို့ရဲ့ ဘုရားရှင်ကိုသာ ရှိခိုး ကိုးကွယ်နိုင်ပီး ဘုရားရှင်ရဲ့ အမှုတော်လေဂိုသာ ထမ်းဆောင်ရမယ်" ဆိုပီး ရေးသားဖော်ပြထားရယ်" လို ပြန်ပြောလိုက်လေရယ်။

ကိုယ်တော်ဝလည်း ''လူဒေရဲ့ အစားအစာ တခုတဲပေါ် မှီခိုအသက်ရှင်နေထိုင်ဇာမုဝဆိုတာဝို ကျမ်းစာမှာဖော်ပြဝါရယ်" ဆိုပြီး ပြန်မိန့်ဆိုလိုက်ရယ်။

ကိုယ်တော်ယေရှုက သန့်ရှင်းမြင့်မြတ်တဲ့ဝိညာဉ်တော်န ပြည်ဆုံပီးတော့ ဂျော်ဒန်မြစ်ကပြန်လာတဲ့ခီ သန့်ရှင်းမြင့်မြတ်ဝိညာဉ်တော်န ကိုယ်တော်ဝို တောကန္တာရထဲဂို လမ်းပြခေါ်ဆွန်သွားရယ်

ကိုယ်တော်ယေရှုက ကျမ်းစာတော်မှာ ''သင်တို့ရဲ့ ဘုရားရှင်ဂို စစ်ဆေးစမ်းသပ်ဇာလေဂိုလုပ်မရ" ဆိုပြီး ဖော်ပြထားရယ် "

မာရ်နတ်မန်းက ကိုယ်တော်ယေရှုဝို တွေ့ဆုံပီးတဲ့အခါ နော့တခါ အခွက်အရေးဂို ရဟိုခီထိ ကိုယ်တော်ယေရူဂိုထားခဲ့ရယ်

အဲမိုနော့ မာရ်နတ်က ကိုယ်တော်ယေရှုဝို ဦးဆွန်ဝီးမြင့်မားဝို တွန်ထိထပ်ဝို ခေါ်ဆွန်ပီးယာ ကမ္ဘာပေါ်မှာရှိသမျှ နိုင်ငံအားလုံးဝို ရှစ်သား တွမ်းမှာ ပြသလိုက်ရယ်။ မာရ်နတ်က" ငါဟာ နန့်ဝို ဘုန်းတန်ခိုးအာဏာစည်းစိမ်အပေါင်းန ပြည့်စုံဝီးတိုင်းနိုင်ငံအားလောင်းဝို အပ်နှင်းပေးမယ်။အဲမိုရာအားလောင်းဝို ဘုရားရှင်က ငါ့အပ်တွကြော့ ငါပေးချင်လူဝို ပေးရရယ်။ ငါ့ဝို ရှိခိုးဦးညွှတ်မယ်ဆိုဝါ အဲမိုတိုင်းနိုင်ငံအားလုံးဝို နန်ပိုင်ဆိုင်စေရမယ်" ဆိုပီးပြောလေရယ်။ ကိုယ်တော်ယေရှုက '' ကျမ်းစာမှာက'' သင်တို့ရဲ့ ဘုရားရှင်ကိုသာ ရှိခိုး ကိုးကွယ်နိုင်ပီး ဘုရားရှင်ရဲ့ အမှုတော်လေဂိုသာ ထမ်းဆောင်ရမယ်" ဆိုပီး ရေးသားဖော်ပြထားရယ်" လို ပြန်ပြောလိုက်လေရယ်။

နော့ဆုံးမှာ မာရ်နတ်မန်းက ကိုယ်တော်ကို ယေရုရှလင်ဗြို့ဝို ခေါ်ဆွန်သွားပီး ဗိမ္မာန်တော်အမြင့်ဆုံးထိဖျားမှာထားပီးယာ မာရ်နတ်က "သင်က ဘုရားရှင်ရဲ့ သားတော်ဖြစ်မယ်ဆိုဝါ အဲနေရာက အော့ဝို ခူခလာ့(လ်)လိုက်''။ ကျမ်းစာမှရေးထားတဲ့အတွတ် ဘုရားရှင်က သူ့ရဲ့နတ်စေတမန်လေဂို သင်ဂို ကာကွယ်စောင့်ရှော့ပေးထားလိုက်မယ် သူနို့က နန့်ရဲ့ ခေဒေါ့‌လေဂို ကလော့(လ်)တုံးလေန မထိခိုက်ဘဲနေအွန် ပွေ့ခီထားကေ့လိမ့်မယ် "ဆိုပီး ပြောလိုက်လေရယ်။ ကိုယ်တော်ယေရှုက ကျမ်းစာတော်မှာ ''သင်တို့ရဲ့ ဘုရားရှင်ဂို စစ်ဆေးစမ်းသပ်ဇာလေဂိုလုပ်မရ" ဆိုပြီး ဖော်ပြထားရယ် "