Popular Bible Verses from John 16

Share

ငါဟ ငြီးချမ်းရှင်းဟ နန်းနို့နတူတူ ရှေ့စေဝို့တွက် အယ်မိုကြောဝို ငါဟောပြောရစ်ရယ်။ နန်းနို့ဟ အယ်ဘာလောကမှာ ဆင်းရဲဒုတ်ခန တွီ့ကြုံဂေ့ရလိမယ်။ အယ်ဘေမဲ့ စိုးရီပူပန်ရှင်းမှေ့ဂေ့န။ ငါဟ အယ်မိုဘာလောကဝို အောင်နိုင်ခဲ့ပီဖြစ်ရယ်' ဆိုပီး မိတော်မူလေရယ်။

အယ်ဘေမဲ့ မှန်တရားရဲ့ ဝိဉာဥ်တော်ကြွရော့လာဝိုခီမှာ သူဟ နန်းနို့ဝိုမှန်တရားဂူလုံးဆီဝို ခေါ်ဆော်သွားလိမယ်ဖြစ်ရယ်။ ဟဲဂျော့ဆိုဝါ အဲမိုဝိဉာဥ်တော်ဟ သူ့ဆန္ဒတိုင်း ပြောဆိုမှာမုဘဲန သူကြားဇာမှန်သမျှဝိုဘဲ့ ပြောဆိုမှာဖြစ်ပီး နန်းနို့ဝိုလဲ နော့ဖြစ်လာဝို့ဇာဒွေဝို ထုဖော် ပြောကြားလိမယ်ဖြစ်ရယ်။

ခုထိ နန်းနို့ဟ ငါ့နော်မယ်ဝို တိုင်တည်ပီး ဟဲရာလဲ တောဇာမှေ့သေးရ။ နန်းနို့ရဲ့ ဝမ်းမြော့ခြင်းန ပလဲ့ဇုံစေဝို့ တောရှော့ဂေ့လော့။ တောရယ် ရဂေ့မယ်။

အယ်ဘေမဲ့ ငါမှန်ဆိုဇာဟ၊ ငါသွားရဇာဟ နန်းနို့တွက် ကျိုးရှေ့ရယ်။ ငါသွားဘဲနေဆိုဝါ နန်းနို့ဝို ကူညီဝို့လူရော့လာမှာမုဝ။ ငါသွားမှ အဲမိုလူဝို နန်းနို့ဆီဝို ငါလွှတ်နိုင်မှာဖြစ်ရယ်။ အဲမိုကူညီဝို့လူဟ သူရော့လာခီမှာ ပြစ်ဒုစရိုက်ဝိုပြုဇာဟ မှားဇာဝိုရော၊ ဖြော့မတ်ဇာဝိုရော၊ ရားစီရင်ဇာဝိုရော အယ်မိုဘာလောကဝို သက်သေပြတော်မူလိမယ်။

အဲမိုမျိုးဘဲ့ နန်းနို့ဟ ခုဝမ်းနဲပူဆွေးနေရဘေမဲ့ နန်းနို့ဟ ငါ့န ထပ်ပီး ပလန်တွီ့ရမှာဖြစ်ရိတွက် နန်းနို့ရဲ့စိနှလုံးဟ ပျော်ရွှင်ဝမ်းမြော့ခြင်းန ပလဲ့ဇုံလိမယ်။ အဲမိုပျော်ရွှင်ဝမ်းမြော့ဇာဝို နန်းနို့ဆီဟ ဟယ်သူလဲဖယ်ရှားနိုင်ရ။ အဲမိုမျိုးနေ့ရော့ခါမှာ နန်းနို့ဟ ဟဲရာလဲ ငါ့ဝို မေးဂေ့မှာမုဝ။ ငါမှန်ပြောရမယ်ဆိုဝါ ခမည်းတော်ဟ နန်းနို့ တောဇာမှန်သမျှဝို ပေးလိမယ်ဖြစ်ရယ်။

ငါ မှန်ပြောရမယ်ဆိုဝါ နန်းနို့ဟ ငိုဂေ့ဘေမဲ့ လောကီလူသားဒွေဟ ဝမ်းသာနေဂေ့လိမယ်။ နန်းနို့ဟ ဝမ်းနဲနေဘေမဲ့ ဝမ်းသာဇာဝို ပလောလဲသွားလိမယ်။