Popular Bible Verses from John 10

Share

ခိုးဒွေဟ ခိုးယူ သတ်ဖြတ်၊ ဖျစ်စီးဝို့တွက်ဘဲ့ လာတတ်ဂေ့ရယ်။ငါကလလော ငါ့ရဲ့သိုးဒွေဝို သက်ဝိုရရှေ့ပီး ပီးပလဲ့စုံဝိုဘဝဝို ရရှိစေဝို့လာဇာဖြစ်ရယ်။

ငါဟ သိုးထီးကောဖြစ်ရယ်။ သိုးထီးကောဆိုဇာဟ ကိုယ့်သိုးဒွေဝို ကယ်တံဝို့ သူ့သက်ဝို ပေးအပ်ထားပီးဖြစ်ရယ်။

ငါ့သိုးဒွေဟ ငါ့သံဝို နားထော်ဂေ့ရယ်။ ငါဟ သူ့နို့ဝိုသိပီး သူ့နို့ဟလဲ ငါ့နော့ဝိုလိုက်ဂေ့ရယ်။

သူ့နို့ဝို နိစထာဝရသက်ဝို ငါပေးမှာဖြစ်ရယ်။ သူ့နို့ဟ ဟယ်ခါမှ ပျစ်စီးရှင်းဝို ရော့နိုင်ဘဲပြင် ဟယ်သူဟမှ ငါ့ဆီဟ သူ့နို့ဝိုခွဲထုနိုင်ရ။

ငါဟခေါ့ပေါ့ဖြစ်ရယ်။ ဟယ်သူမဆို ငါမည်နာမအားနဝမ်မယ်ဆိုဝါ ကယ်တံရှင်းခံရမယ်။ အဲမိုလူဟ ဝမ်ထွက်ပီး ကျစ်စားဝိုနေရာဝို တွီ့ရလိမယ်။

ငါဟ သိုးထီးကောဖြစ်ရယ်။ ငါဟ သိုးဒွေဝို သိမျိုး ငါ့သိုး ဒွေဟ ငါ့ဝိုသိရယ်။

သူ့နို့ဝို ငါ့ဆီပေးအပ်တော်မူဝို ငါ့ရဲ့ဖဘုရားရှင်ဟ ခြားသူဒွေထက် ကီးမြတ်ဇာဖြစ်ရိတွက် ဟယ်သူဟမှ ငါ့ဖဘုရားရှင်ဆီဟ သူ့နို့ဝို ခွဲထုနိုင်မှာမုဝ။ 'ငါ့ခမည်းတော်န ငါဟ သားဒဲဖြစ်ရယ်'ဆိုပီး ပလန်လည်မိတော်မူလေရယ်။

အဲမိုမျိုးဘဲ့ ငါ့ရဲ့ဖခမည်းတော်ဟ ငါ့ဝို သိတော်မူမျိုး ငါဟလဲ ငါ့ဖခမည်းတော်ဝို သိလေရယ်။ ပီးရယ်ဆိုဝါ ငါ့သိုးဒွေအတွက် ငါ့သက်ဝိုစွန့်ဝို့ လိုရှေ့ပေရယ်။

ဟယ်သူဟမှ ငါ့သက်ဝို ငါ့ဆီဟနှုယူမှာမုဝ။ ငါ့ဆန်ဒနေန ငါ့သက်ဝို ငါ့စွန့်လွှတ်မှာဖြစ်ရယ်။ ငါ့မှာ ငါ့သက်ဝို စွန့်လွှတ်ပိုင်ခွမ့်ရှေ့မျိုး အဲမိုဇာဝို ပလန်လည်ရယူပိုင်ခွမ့်လဲရှေ့ရယ်။ငါဟ အဲမိုမိဝို ငါ့ခမည်းတော်ဆီဟ ရရှေ့ဇာဖြစ်ရယ်။

ကိုယ်တော်ယေရှုဟ ထပ်ပီးပြောဇာဟ 'ငါမှန်ပြောရမယ်ဆိုဝါ ငါဟ သိုးဒွေတွက် ခေါ့ပေါ့ဖြစ်ရယ်။

လူငှားဟ သိုးထီးမုဘဲမျိုး သိုးဝိုလဲ ပိုင်ဆိုင်ဇာမုဝ။ ဝံပုလွေတကော် လာနေဇာဝို ဗြင်ခါမှာ သိုးဒွေဝို စွန့်ပစ်ပီး ထွက်ပလေးမှာဖြစ်ရယ်။ အဲဂျော့ ဝံပုလွေဒွေဟ သိုးဒွေဝို ဖမ်းယူဆွဲစားပီး ဂွဲတပြဲဖြစ်စေမယ်ဖြစ်ရယ်။

ကိုယ်တော်ယေရှုဟ ' "နန်းနို့ဝို ငါမှန်ပြောရမယ်ဆိုဝါ သိုးခြံထဲဝို ခေါ့ပေါ့ဟ ဝမ်ဘဲန ခြားနည်းန ကျော်ဝမ်ဝိုလူဟ ခိုး မလဘဲ့ဖြစ်ရယ်။