Popular Bible Verses from Aba Filipi 1

Share

Intakwilamwa napo panandi ukuti u Chala, yuyo akanda imbombo inyiza iyi mumwinyu, akwiza pakuyimalizya mupaka pisiku ilyakufika kwa Kilisitu Yesu.

Nkwiputa ukuti ulughano lwinyu lwendelelaye pakukulilakulila mukivwisizye akakufikapo, sona na muchililizi, umwakuti mumanye pakusala chicho chiza. Po mukwiza pakuba mwe bantu abazelu, sona na basita chilema nachimochimo mupaka pisiku ilya Kilisitu.

Pakuti ane, ubumi we Kilisitu, sona ubufwe bope ko kukaba.

Nkumupalizya u Chala wane akabalilo kosi kako nkubakumbuka.

Ichintu ichapamwanya chakuti, inkalo yinyu yiyane na Mazyu Amiza aghakunena nizya Kilisitu. Napapo nize kukwinyu pakubennya, pamo imbanje kubutali, nkulonda ukwivwa ukuti mukwiyula nkani nu moyo ghoka. Nkulonda ukwivwa sona ukuti umwakwivwana, sona nu mwakwavwana mukulwa ubwite pachifukwa icha kusubila Amazyu Amiza.

Polelo nkulindilila nukumusubila nkani ukuti ntakwiza pakubombapo nachimo chicho chingankozya isoni. Loli nkusubila ukuti nkwiza pakujimba umoyo, umwakuti ilelo ngati bwila, u Kilisitu akwiza pakuchindikiwa mumwane, manyi mubumi, manyi mu bufwe.

Pakuti mupeghiwe ulusako ulwa kumubombela u Kilisitu, te kumusubila kwene, awe, loli nukuyimba bulo pachifukwa icha yuyo.