Popular Bible Verses from Ukufuma 23

Share

Mumwiputaye u MWENE U Chala winyu, po nkwiza pakubasaya ni vyakulya na mizi aminji. Nkwiza pakubapozya ububine bosi. Nayumo umukolo pakasi papinyu yuyo ulwanda lukwiza pakwepa, sona umughumba atakwiza pakubamo. Nkwiza pakubapa ubumi ubutali.

“Nkubatumila uwantumi wane pantazi papinyu pakubalongolela bo mukwenda muzila nukubinjizya mubuzilo bubo nabayanizizya.

Loli nanti mukumwivwila nukubomba zyosi zizyo nkubalamula, ane nkwiza pakuba ne mulwani uwa balwani winyu, sona nkwiza pakulwana na bantu bosi babo bakubasusya.

“Utakachikonkaye ichilundilo pakubomba ichintu ichibibi. Nanti ukubikila ubwakaboni pa nongwa, utakabunyongannye ubwanaloli pakwitinkana na zizyo ichilundilo chikunena. Nanti ukulonga inongwa iya muntu umupina, utakalongaye pakwennya icheni.

“Utakanenaye ipangwi ilyabumyasi. Utakamwimilaye umuntu umubibi pakubikila ubwakaboni ubwabumyasi.