Popular Bible Verses from Ukufuma 15

Share

akati, “Nanti mukunyivwila ane nukubomba zizyo ngolosu pakukonka indaghilo zyane nukwivwila akiza vyosi vivyo nkubalamula, ntakwiza pakubafunda nu bubine ukuyana namumo nkabafundila aba Ijiputi. Pakuti ane ne MWENE, yuyo akubapozya.”

U MWENE we maka ghane, nu lwimbo lwane, sona aba bupoki bwane. We Chala wane, po nkwiza pakumupala, u Chala uwa tata wane, sona nkwiza pakumukwezya.

“Wee MWENE, nkimba alipo u chala uyunji, yuyo ayanite nawe? Nkimba wewenu ayanite nawe, we muchindikiwa sona we muzelu? Nkimba wewenu angayana nawe, pakupela ivyika ni viswigho?

“Mulughano lwako lulo lutakupotwangapo nalumolumo, ukabalongolela abantu bako babo ukabatabula. Na maka ghako amakulu, ukabalongozezya kubuzilo bwako ubuzelu.

Bo bafika pa Mala, bakapotwa pakung'wela amizi pabuzilo bulabula pachifukwa ichakuti amizi ghala ghakubabagha. Ichi cho chifukwa ubuzilo bula bukwitiziwanga ukuti Mala. Abantu bala bakilumbusya nu Mozesi nukumulalusya ukuti, “Nkimba tukwiza pakung'wela ichoni?” Po u Mozesi akamulilila u MWENE po u MWENE akamulanjizya akakwi. U Mozesi akakasumbila mumizi akakwi kala, po amizi ghakaleka pakubaba. Palapala u MWENE akabapa abantu bala ululaghilo ulukafu nkani nukubayela