Popular Bible Verses from Ukufuma 10

Share

Po u MWENE akamubuzya u Mozesi akati, “Kakomane nu Falabo. Naghupela umoyo wache sona na moyo agha makambala ghache pakuba makafu nkani, umwakuti ningapela iviswigho vinivi pakasi papabo. Po mukwiza pakubabuzya abana binyu, sona na bizukulu binyu nizya mumo nkabapunganizizya aba Ijiputi ni viswigho vivyo nkapela. Bunubu mwebosi mukwiza pakummanya ane ukuti ne MWENE.”

Po u MWENE akamulamula u Mozesi akati, “Gholosezya inyobe yako mumwanya, umwakuti ichisi ichakoghofya nkani chiwe mu Ijiputi.” U Mozesi akagholosezya inyobe yache mumwanya, po ichisi ichakoghofya nkani chikawa mu Ijiputi amasiku matatu. Aba Ijiputi batakenannyanga, sona nayumoyumo yuyo akepapo panyumba yache amasiku matatu ghanagha. Loli ubuzilo bubo aba Izilayeli bakikalagha kukabako ulukozyo.

Po u Mozesi akagholosezya indisa yache mumwanya pachisu icha Ijiputi. U MWENE akayipela impepo iyakubufumilo bwizuba pakuputila pachisu umusanya nu busiku. Pandabindabi umakanta akasata posi na posi. Umakanta yula akizuzya ichisu chosi icha Ijiputi nukusata posi na posi. Akaba mwinji nkani yuyo nayumo umuntu atamwenizyepo ukwanda kale, pamo akwiza pakubako sona.