Popular Bible Verses from 2 Aba Kolinti 1

Share

U Chala apaliwanje, uwise uwa Mwene witu u Yesu Kilisitu, yuyo we Tata uwa chisa, sona u Chala, umwenecho uwa busangalusu bosi! Umwene akutusangalusya aswe muntamyo zyitu zyosi, umwakuti naswe bulo tungabasangalusya babo bali nintamyo izyakulekanalekana nu busangalusu bubo tukapokela kwa Chala.

Pakuti ukayana namumo tukugabanilana intamyo inyinji izya Kilisitu, po momumo sona tukugabanilana ubusangalusu ubukulu ukwendela mwa Kilisitu.

Tukinong'ona ngati po kwadumuliwa ukuti tubaghiye pakughoghiwa. Loli izi zikabombiwa ukuti tutakisubilaye twebene, loli ukuti tumusubilaye u Chala, yuyo akubazyusya abantu abafwe.

U Chala umwenecho weyuyo akutwikazya poka namwe mwa Kilisitu. Akatupakazya, nukutubika chimanyilo ichakulanjizya ukuti twe bantu bache. Akatupa u Muzimu Umuzelu mumoyo ghitu pakuba chikole icha vintu vyosi vivyo atusungiye.

Nanti tukuyimba, tukuyimba pachifukwa ichakuti tukulonda ukuti namwe bulo musangalusiwe nukupokiwa. Nanti tukusangalusiwa, pachifukwa ichakuti tukulonda ukuti namwe bulo musangalusiwe nukupokela amaka agha bujivu nkani, bo muli muntamyo ukuyana nintamyo zizyo naswe bulo tukaba nazyo.