Popular Bible Verses from MARKUS 6

Share

Jari appaui Isa mange ri iyai, ”Maeko na a'lampaki assa'la-sa'la' ri tampa' sino, na ammari-mari mangngangki konjomange sinampe'!” Saba' toje'i sanna' lohena tau battu mange na a'lampa, sa'genna manna panganre gelemu sahe.

Rimaenna injo appaui Isa mange ri iyai, ”Se're nabbi ripakala'biri manna riapai mae, passangadinna ri kamponna to'jua, ribija pamanakanna surang ri saponna.”

Rihattu a'bontoinnamo, lajanjangi Isa tau lohe injo a'domung, jari rie'mo ri atiNa kanara pangamaseang mange ri iyai, saba' iyai injo assimpole jimbala tide' pakalahakinna. Jari pakaramulamu Isa ngajara lohe passala mange ri iyai.

Isa gele akkulle appaa'jari numasagala ri injo manna se're, maraenganna appakagassing sikura lohena tau garring ampa lataro limanNa rateanna. Lannasai Isa saba' geleinna tappa'. Jari a'lingkai Isa a'lili' desa langajara.

Sungka'i laalle roti limambatu injo surang juku' ruangkaju injo, ammongai Isa nai' ri langi' masa barakka'i, ampai latu'be-tu'be roti injo na lapassareangi mange ri suro-suroNa, solanna lapassareangi mange ri tau lohe injo; appakonjo todo'i juku' ruangkaju injo lapa'dahu-dahuangi mange ri iyai ngase'. Jari nganre ngase'mu sa'genna bassoro. Rimaenna injo laparappungi tau la'bi roti lakanre injo na rie'i sampulo ruangbaku' rassi na injo pole la'binna juku' injo.