Popular Bible Verses from LUKAS 9

Share

Lakuamo pole Isa mange ri iyai ngase', ”Sikuanna tau a'ra' minahang ri Nakke, parallui lasassali kalenna, lasompoi salli'na allo bangngi ampai minahang ri Nakke.

Saba' inai jua tau a'ra' lapakasalama' nyahana, latappela'i nyahana; mingka inai tau tappela' nyahana kanara ri Nakke, iamo lalapakasalama'i.

Mingka lakua Isa mange ri ia, ”Sikuanna tau sadia injomo anrangkala mingka assaile bokoi, gele siratang ri Pakkaraengang Allataala.”

Apamo matu-matunna se're inni tau lauppa ngase'i sibatu lino, mingka lapakamatei iyareka lapakasilaka kalenna?

Saba' inai jua tau siri' rikanara Nakke na rikanara pauKu, Ana' Rupatau lasiri' todo'i rikanara tau injo, ampa Ia rie'i sallo' lalang ri kala'biranna Amma surang sikonjo malaeka' tangkasa.

Appaui Isa mange ri ia, ”Balaho rie' balona na jangang-jangang rie' poona, mingka Ana' Rupatau gele rie' tampa' manna pappasanderang ulunNa.”

na appaui mange ri iyai, ”Inai jua latarima ana' ki'di' inni lalang arengKu, injo Nakkemo latarima; na inai narima ri Nakke, injo Iamo latarima Tuassuro injo ri Nakke. Saba' tukaminang ki'di' injo ri kau ngase', iamo lakaminang bakka'.”